泛權威性人格至係普遍香港人核心價值

| | ,

有警暴冇老解,江樂士:港警獲諾貝爾和平獎受之無愧

在下近年成日都話「黃子華收山收得好,金庸好彩走得早」,無他嘅,當你認港關社,日日關心港人港事,你就會發覺黃子華各種舊作完全唔好笑,金庸小說各種惡人奸人其實只算係善男信女 —— 港共黑警aka蒙面恐怖份子呢兩年以嚟作惡罄竹難書,有口皆悲之,前刑事檢控專員江樂士竟然仲可以公然呼籲「港警獲諾貝爾和平獎受之無愧」,假如諾貝爾泉下有知,相信佢老人家都會向江樂士直豎中指。

「前刑事檢控專員」「外國人」「前官員」「法工作者」「資深」…… 呢啲(扮晒)鍍金名堂包裝出嚟嘅商品就係「話語權」,點解由你講「黑警該攞和平獎」會屌聲四起,由江樂士講同一句說話就會一大堆社會賢達搖頭晃腦之乎者也所言甚是yes、yes,這就是話語權戰爭,香港普羅大眾核心價值 —— 泛權威性人格。

何謂泛權威性人格

由2014年雨革開始,政權、傳媒、主流港人三方均習慣以黃(支持「民主」/反政府),藍(支持既有建制/盲撐政府)去二元分法香港政治,其實呢種睇法的確大錯特錯 —— 香港根本冇分黃藍絲,黃藍嘅思考模式及盲點都係沈溺於權威性人格,如果只能籠統地將香港人分為兩個所謂陣營,我會稱之為「權威性人格」(絕大多數人,九成或以上)及「擁有批判思考力」。

黃絲和藍絲都是花樣傻子

呢句唔單只係歌詞二創,而係我一直對黃藍之辯嘅一句註腳,香港地不分黃藍嘅潛意識核心價值係權威性人格,呢種唯權力及權威崇拜之嘅思想backdoor,黃藍人並無差別,黃人(尤其係2019年先入教嘅新人)因何支持光時五缺?口號人人識嗌,普遍黃絲與其稱之為支持「民主」(呢種泛民式民主必須加引號),倒不如稱之為一班舊信仰價值(97年嘅香港、樣板式三權分立、劉德華lized嘅警隊、政府政治中立、etc)徹底破產之後,亟欲搵新信仰,或者(誤)信泛民政治工作者有可能成為將2020香港變返1997版嘅救世主,呢種人云亦云但最想要大台跟大佬圍威喂式嘅「泛民式民主」,正正係黃人泛權威性人格嘅意識形態。

黃人唔理解亦唔想理解香港攪成咁,泛民九十年代支持「民主回歸」,97後努力成為稱職嘅垃法會政治花瓶,掩護中共奪舍英治香港國際政經地位及遺產,以「香港」之名偷呃拐騙文明國家財富及知識產權,港共aka香港養大中共呢粒文明癌細胞,泛民三十年嚟角色扮演「一國兩制運作良好」主力演員,委實功不可沒。

同一班人(及其徒子徒孫)政治誤判害咗香港人三十年,然後他們而家偷換2019平民起義嘅政治符號(手足、不割蓆、黃色乜乜圈、乜乜戰線、黃頭盔),換個包裝又出嚟硬銷永續泛民屈原式「愛國」溝「民主」套餐,而黃絲善信又會繼續迷信「新」宗教照單全收盲撐到底,乜撚嘢「我唔係要泛民贏,我要建制輸」,呢啲咁嘅意識形態有冇1%係民主成份?我只能從黃人黃事黃言論當中睇到另一場冇權冇勢冇實力(好彩黃圈aka泛民乜都冇)嘅濕鳩圍爐。

黃絲拜泛教,藍絲拜政府教,或者嚴格嚟講係拜權力教,邊一邊似係贏緊/各種成本低啲,黃藍都係咁樣騎牆拜神,兩邊都咁鍾意拜大台、聽雷動/掌心雷、盲撐盲跟大佬,黃藍二分根本係大錯特錯,雙方意識形態有咩分別?都係權威性人格泛濫,不必分那麼細。

Previous

NGO = Non-Generosity Organization

林鄭早就下定決心做一位稱職暴君

Next