口罩塔利班關乎政治正確

| | ,

#中國肺炎 持續肆虐環球已逾八個月有餘,想當日大言不慚鳩蹹「支肺病毒天口熱就會消失」嘅人已經全部自打臉打到噼噼聲,支肺病毒唔單只四季常春,喺可靠疫苗(not made in China)誕生之前,大家嘅口罩生活已經係新常態,就算閣下明知日常生活好多時候根本唔需要口罩,你99.9%唔會感染支肺病毒,例如半夜三更去空無一人樓下花園散個步、跑步(或任何單人露天運動)、去垃圾房丟垃圾,在下驟眼見就係人人有理冇理都係帶罩 —— 就算當時當刻「遵守」呢條法令係幾咁荒謬都好。

香港人可能係世上最容易被管理嘅民族,無分黃藍,各位嘅共同宗教語教旨就係「守法最重要」,首先我已經唔討論由一頭完全冇法律智慧嘅殖民者流官老虔婆,只係因為佢名義上係「行政長官」,就可以閉門造車咁命令全香港人都要守呢堆名為「限聚令」、「限1.5米社交距離令」、「強制全民全天候戴口罩令」嘅所謂法律,究竟呢埋由行騙長官一隻人說了算嘅「法律」有幾「合法」,老老柒柒真係令人一頭黑人問號。

經過港共兩個月「唔戴罩=犯法=唔正常」訓練,而家你想試下畀成條街嘅人注目?你唔帶罩行入商場/人群就得,此時此刻口經唔單只係防疫消耗品,它已經係生活通行證,冇罩者冇車搭冇得入室內,口罩正是中共 blackmirrorize香港嘅beta憑證,你唔戴口罩=人民公敵,正是港共假防疫真洗腦嘅政治馴獸術,歷史上極權專制政權借健康/國家安全/民族大義呢啲藉口去馴化鵪鶉嘅大多數人去習慣/不反對政權不合人道/常識嘅政治手段,可說是屢見不鮮,希特拉將猶太人污衊為污糟人種,毛x東破佢討厭嘅四舊,立對佢忠心嘅四新,港共政權借支那肺炎無限擴權兼侵犯人權,大部份鵪鶉族人卻是為了「防疫」而對剝削他們人權嘅暴君噤若寒蟬,甚至淪為批鬥別人冇帶/帶歪口罩嘅口罩塔利班,以「法律」將人民訓練為主動兼自動波告密機器,正是暴君最開心嘅事。

政權開口埋口「防疫」就能對你的人身自由強加枷鎖,活在這個政治正確即暢通無阻,政治不正確則逆佢者亡嘅荒謬香港黑暗時代,誰想大大聲講我真係好撚鍾意香港,真的需要供應新鮮勇氣。

Previous

我看8/15高雄市長補選

三權分工唔錯,善信終於肯面對現實咪幾好

Next