留喺香港,就唔使做「二等公民」?

| | ,

國安法睇嚟勢在必行,近日好多香港人都傾緊移民同走資。繼英國國會討論BNO問題後,英國內政大臣彭黛玲(Priti Patel)建議俾BNO holders及家屬1年簽證去做野/讀書,逐年renew,5年轉BC。照咁睇,一旦中共唔撤回國安法,持BNO港人好大機會可以出走英國。走,唔走,再一次成為城中熱話。

有個專講港樓嘅King Sir出文以過來人身份(原來講緊40年前…)叫大家唔好去外國做「二等公民」。呢種「二等公民」concept可以話深入民心。最早,可能追溯到歌神Sam Hui(我好尊重Sam 作為Cantopop始祖)一首《同舟共濟》嘅歌詞:「實在極不願,移民外國做二等公民」

原來,好多人好介意做「二等公民」。但我又想問,普通香港人留喺香港,何嘗唔係做緊「二等公民」,甚至「三四五等公民」?如果認同香港最大問題係土地/住屋問題,咁我地從住屋方面去睇,香港嘅food chain大約是咁的:

2020147

至於普通香港人,亦分為兩group-「收成期人士」vs「平凡人」。上一篇講過,QE樓價長升,呢十幾年「收成期人士」按樓買第二三四五層收租食息差;另一邊廂,「平凡人」後生仔無父幹無首期,焗住捱貴租儲首期,希望等到樓價跌入市,最終發現原來社運加武肺都推唔郁樓價,只有自己D錢愈來愈唔值錢

福利方面,香港唔係冇福利政策,只係福利俾晒「新.香港人」。聽社工朋友分享,新移民好識用「特別的方法」攞綜緩、公屋,甚至識得扮有家庭問題申請公屋一開二。無計,政府大方向係「換血政策」,所以先會一邊叫新移民落黎「家庭團聚」,一邊叫香港後生仔返大灣區發展老人家返大陸退休

職場方面之前亦講過,一個普通香港U-grad出來做野,地位肯定不如expats/海歸/港漂。因為,多數金融機構都係中資/美資/歐資/日資,上層一般都用返同聲同氣嘅自己人。特別2014年佔中後,香港人做到中上層好快就會遇到glass ceiling,行人止步。ibank/ PB專請港漂,因為佢地係大陸有background有connections,R到生意。本地人係自己地頭求職一d優勢都無,恐怕全世界只有香港咁扭曲

成日有人話:「回歸以來,香港經濟發展有目共睹」。True,主權移民廿幾年,舊餅(香港GDP or 整體財富)的確係大左,但問題係分配得太唔勻,「富者田連阡陌,貧者無立錐之地」,唔係又點會令到「攬炒」concept吸引到咁多支持者。

Previous

香港歌之一:由《香港地》睇香港地

契弟習近平又想縮沙!

Next