香港建國正是唯一生日願望

| | ,

智者古語有云:生日年年都有,我就啱啱生完日,例牌罐頭問題如「你想要乜嘢/收到乜嘢生日禮物?」我都笑而不語,敝國國難仍然當前,生日固之然難以快樂,禮物都可免則免了,本人唯一心願只得一個 – 香港建國。

講到香港建國(之係香港獨立,sort of 啦),一大堆無分黃藍嘅無知人士就會搬出一大籮罐頭答案:

「我哋要嘅係雙普選,唔係港獨」、「民主唔係靈丹妙藥」、「港獨好危險嘅,我要五大訴求缺一不可就夠」、「港獨?你邊有水飲米食?」、「雙普選+法治就可以保護一國兩制」、「獨你老母,你係咪中國人?」……

講到香港獨立呢個話題,黃尸和藍尸都是花樣傻子。

係㗎,港獨唔係百寶袋隨意門,唔會某天香港獨立咗呢就BBQ大團圓結局,王子公主從此過住快樂幸福嘅生活,相反香港正式脫中自立之日至係 Episode Zero,中共國(或任何「繼承中共」而支配兩廣嘅勢力/軍閥)一定會企圖染指「支配香港政治」呢個肥缺,爛船都有三斤釘,邊個食得落香港等於足以擁有支配東亞嘅經濟力量,順便執多一個水深港闊嘅航道要衝維多利亞港,港獨等於另一場大亂之始,幾可肯定無可避免,到時各位就算未駛食樹皮,好歹都要有瘦返三十磅嘅覺悟(當然你而家已經得一百磅就自己 pro rata啦),你估香港呢塊兵家必爭之地有幾多戶野心家想竊據?

儘管如此,港獨 is when not why,why?皆因香港係真·香港人應許之地,生係香港人,死係維港之鬼,仍然熱愛香港嘅人已經係背水一戰無路可逃,#愛就係選擇,#選擇就係捨棄,你把口話愛香港,但身已在某國用緊某國護照,我唔會怪你,因為你選擇了你嘅歸宿,人性物理層判斷力一定係趨吉避凶,但既然你已揀咗做異鄉人,就要向你宣過誓嘅新護照新國家效忠,#身土不二 之係 #仁義禮智 嘅基礎,你可以繼續關心港事,但建立自由香港或者手刃賣港賊之類嘅課外活動,就唔駛你出手了,因為呢啲都係真·香港人嘅使命,可惜你已經唔係香港人了,不在其位不謀其政。

至於意欲奪舍香港肉身,圖謀借香港屍還中共魂嘅賣港賊以及終囯人,唔好意思,在座咁多位全部都係垃圾.mp4,對呢啲佛地魔及食地徒嚟講,香港只係一個杜蕾斯,但香港對真·香港人嚟講係唯一安身立命之地,你攪得人哋家園,衰撚過屌人老母,馬曉躍檀溪,狗急尚且跳牆,真·香港人不嬲足智多謀兼且不畏強權,中共一大票魑魅魍魎,除咗陰陰濕濕面懞懞造假派膠呃阿婆或藍尸,吸血鬼邊一秒試過站在烈日下講到一粒人話呢?

「同熱愛這片土地,大家一句到尾,由自己,生與死,也在香港地」。

共勉之啦,也希望我嘅唯一畢生願望會成真,如果失敗咗呢,哈哈,大家得閒搭船過海時就對住個海鞠個躬啦。

Previous

「畫面好靚」的背後 – 藝術家抗爭的外國例子

認識美國大騷亂背後的「深層次矛盾」

Next