作為前.莎莎常客,出個極正既網購 list 比大家戒甩莎莎

| |

作為前.莎莎常客,我可以出個極正既網購list比大家,要學會點樣戒甩莎莎。

20200510 tuenmunsasa
2020/05/10 – 屯門一名莎莎員工被發現工作期間刻意拍攝示威者及記者的容貌,並將相片交給警方,亦有人見到該店職員與便衣有講有笑 (@LIHKG) #boycotttsasa

戒甩方法 1 – 誠哥 (屈臣氏)

係講網購前,我知肯定有一群人其實鍾意去實體店買美妝同護膚品多過中意網購。因為可以試到中意先再買,我要同呢班消費者講,誠哥真係幫到你!🥳

其實只要搵間大少少既屈臣氏,你會發現佢有好多中低價品牌。

誠意推薦美妝品牌:Rimmel (英國牌子), Essences(德國牌子), KATE (日本), Media (日本)


戒甩方法 2 – IG 網店

然後除左 婦女之友(?) 誠哥,IG Shop 都係一個好選擇。🥳
例如呢間,佢係有門市比大家去試下貨仔。(同埋如果我冇記錯的話,呢間係黃店)

Exxx
呢間 – 同埋如果我冇記錯的話,呢間係黃店

誠意推薦鍾意韓妝既絲去望下,但講明先我好少買韓國美妝,所以可以推薦既品牌淨係得 Etude House (**編按:呢間係藍店)


戒甩方法 3 – 網購平台

Sephora HK

然後萬眾期待既網購平台黎喇~先黎一個我本人覺得真係極易上手既APP : Sephora HK 🥰 🥰 🥰

應該好多人都聽過Sephora 呢個名,比其實就係同莎莎有異曲同工之妙既存在黎,但規模同歷史係勁過莎莎幾百倍
佢地賣既野有平價野: Ordinary / Sephora 自家品牌既產品,亦有好多中高價/大眾小眾歐美品牌~

基本上在 Sephora HK 填好會員資料申請賬戶,購物買滿 350 蚊就免運費。

佢既好處係個系統全中文版,但商品大部分係全英文,同埋佢用順豐派送⋯⋯ 呢個係就算冇信用卡都用得到既,因為佢可以到付,而且亦有其他支付方式。 每次買野可以選 3 件試用裝,有時係會有香水添架!仲有 Sephora HK 係有積分制,買野、寫評價重部都有積分。

lookfantastic

超級誠意!有頭質/染髮煩惱既,去試下 Bleach London 既鎖色洗髮水同髮膜!!

fxEXtArXfU1
有頭質/染髮煩惱既,去試下 Bleach London 既鎖色洗髮水同髮膜

本地薑 ZOAY

呃,化妝掃我真係可以同大家講,如果你唔係特登去搵,市面上既化妝掃同海綿基本上係 MIC (Made in China),即使你係買緊 ~$300 一枝既掃。

ZOAY,呢個係本地薑黎,黃藍我唔太清楚。因爲佢地真係好低調,低調到喺 HKID gallery 門市,都可以搵到佢地既掃。 幾十蚊一枝既貨仔但比得上三百蚊既效果。


我望左下,其實我手上其他既網購平台都差不多同上面推既一樣,賣既品牌差不多,如果大家係重有咩真係係香港搵唔到既,真係可以試下網購。

更多相關 Twitter 討論 : 作為前.莎莎常客,我可以出個極正既網購list比大家
(**編按 : 開個 twitter 一齊討論下,仲可以推下國際線文宣添)

Previous

完結香港基金之香港再出殯

將斷送未來當妥協 就係香港沉淪原因

Next