當保安局局長都只係靠 Fake news 做決定

Fake news 害人，偏偏 Fake news 就似鴉片煙，教早已外判腦袋及良知的人身心愉快，繼而欲罷不能。

港共除卻先天奴才傀儡底子，它（只能）重用廢老也是後天藥石無靈，林奠以降不單位位貌不似人形，觀乎各位奴才大人一路嘅言論見識，假如牠們剝哂西裝換返平民裝去維園鳩噏，其實同維園阿伯差無九幾，堂堂所謂保安局長李家超，好歹都算掛名管理香港國防嘅人，竟然公然將 Fake news 當真鳩噏噏。

中共用人如斯，焉能不永遠失去香港。

李閹人口中嘅「外地訓練」係指 FBI 定 CIA ？首先牠呢個假設簡直係侮辱了外國勢力特工組織，如果香港人真係有成千上萬外國專業特工訓練人才，#黑警皇軍 焉能仲有命喺度也文也武？香港人被兩個殖民政權剝哂勇武基因太久，人人手無搏雞之力，土炮勇武基因才剛剛甦醒幾個月，才會被皇軍以世界級裝備蹂躪，如果香港勇武行動派早就是專業軍人，在下擔心李閹人及其走狗們早就要買定往十八層地獄車票了。

抗爭者由選月一路走來，所謂裝備由保鮮紙防椒、工地帽擋棍、蒸魚碟滅煙、防水袋滅彈、12蚊店焗爐手套執彈、吹氣浮板「盾牌」、3M防毒面罩、各種頭盔，全部都是窮撚生活智慧，人人限米煮熟飯式抗皇軍軍暴，呢啲被發揮無限創意嘅「防具」全部一街都有售，稍為正常香港生活常識嘅人都買到用得着，相反黑警皇軍僅能靠戰爭級裝備 + 依法治人制度去屈鳩香港人機，兵精糧足的軍閥面對散兵游勇香港人竟然佔不到上風，甚至間歇失手，整件事根本係世界獨裁者歷史中的恥辱。

由董賊林奠689到李閹人以降，呢班同現實香港甚至文明世界脫哂節嘅所謂社會賢達，港共竟然只能依賴呢班根本唔了解香港究竟發生緊乜嘢事嘅廢老去「解決問題」，老老實實牠們只懂抱薪救火，香港人想攬炒其實駛乜自己出手呢，任由呢堆廢人繼續尸位素餐，任由牠們保持無人駕駛無限犯錯，港獨演變為大勢所趨真係唔駛等太耐。

常言道：老而不死是為賊，港共政權由清一色老賊把持，不滅亡才是離譜事。