紅河之歌:西臺帝國興衰史(19) Danuhepa

| | , ,

20190226001

穆瓦塔尼二世任期小結

穆瓦塔尼二世以行動證明咗佢係一位值得對手尊敬嘅西臺王位繼任者。毫無疑問,他將會作為拉美西斯二世響卡佚石戰場上嘅強大對手而被世人所銘記。

從戰爭嘅結果而言,西臺人戰略上嘅勝利要歸功於穆瓦塔尼二世。如果西臺王位係由一個弱勢嘅國王所佔據,拉美西斯二世想恢復圖特摩斯三世埃及響敘利亞版圖嘅計劃好可能已經得逞咗。但響穆瓦塔尼二世應付埃及人嘅領土野心之前,佢首先要解決安納托利亞本土嘅政局穩定問題,響西邊Piyamaradu等勢力響邁錫尼希臘嘅支持下挑戰西臺嘅統治。而且佢急切需要穩定北方卡斯卡地區嘅局勢,因為針對卡斯卡重覆的軍事行動每次都只係暫時打壓咗當地部落嘅力量。

由於目前佢要集中精力應對埃及的威脅,佢作出咗非常規而大膽的解決方案:將西臺帝國一分為二,將首都遷到達塔薩,並將佢嘅兄弟哈圖西里委任為北方領土的最高領導人,希望可以憑此鞏固西臺北方嘅防線。呢個做法至少短期黎講可以算是成功,因為安納托利亞嘅局勢穩定下來以致佢可以專心對付埃及響南邊嘅勢力。但佢響安納托利亞嘅行政安排並無辦法長久,至少響佢死後一切已經開始起變化。

王太后Danuhepa的審判

響穆瓦塔尼二世在任西臺國王嘅晚期,西臺的王室內發生咗一場嚴重嘅危機,危機牽涉前國王穆爾西里二世嘅妻子,王太后Danuhepa。

依照傳統,穆爾西里二世駕崩後Danuhepa以王太后嘅身份繼續執行西臺王后嘅職能,她的名字同穆瓦塔尼二世嘅名字並列於粘土印章之上。但她跟其繼子的關係一直都充滿張力,事情發展到一個地步穆瓦塔尼二世將Danuhepa的行為作出審判,她被審判的行為牽涉到她在任祭司時的褻瀆行為。從呢個角度睇,佢嘅命運同之前嘅王太后、蘇庇路里烏瑪一世嘅妻子塔瓦娜娜有唔少相似之處。

事實上,Danuhepa同塔瓦娜娜的職業生涯一同出現響穆爾西里嘅兒子哈圖西里對太陽女神亞莉娜嘅禱文之上。禱文中哈圖西里否認參與其父親穆爾西里二世罷黜並流放塔瓦娜娜,同時否認參與其兄流放Danuhepa嘅事。

此外穆瓦塔尼二世嘅兒子烏希.圖哈合(Urhi-Teshub)同樣亦否認自己參與其中。佢再三強調佢唔應該為此嘗到惡果。Danuhepa最終輸掉呢場官司,佢被罷黜並被逐出西臺王室,她的兒子亦一同受到牽連。當回望呢場審判嘅時候,哈圖西里對判決提出疑問,佢懷疑呢個決定是否正當,而且呢個行為會否帶來諸神的懲罰。我哋不禁懷疑,罷黜Danuhepa嘅決定是否有政治的動機。

事實上,歷史學家懷疑Danuhepa同穆瓦塔尼二世嘅爭端起源於西臺王位繼承問題,Danuhepa會否向穆瓦塔尼二世要求由她的兒子而非穆瓦塔尼的兒子烏希.圖哈合來繼承王位?我哋知道後者並非正室所生,而純粹只係妃嬪或者二奶老婆所生,佢最後被委任為西臺國王將引起全國的反對聲音。從Nisantepe的粘土印章我哋知道Danuhepa同另一位不知名國王嘅名字同時出現響一枚粘土印章之上,到底佢會唔會就係Danuhepa想捧上王位嘅兒子?我哋唔清楚,但學術界對呢個可能性一直都有所猜測。

20190226002
烏希.圖哈合否認參與Danuhepa放逐嘅泥板(CTH297)

同佢老公穆爾西里二世嘅繼母唔同,Danuhepa最終會被恢復榮譽同地位。考古證據指出到咗穆瓦塔尼二世嘅兒子烏希.圖哈合執政時,Danuhepa再次恢復西臺王太后嘅地位,呢個好可能係哈圖西里支持嘅結果。因此,Danuhepa呢位傳奇王后嘅政治生涯終將橫跨三代國王:穆爾西里二世、穆瓦塔尼二世、烏希.圖哈合,歷史學家相信Danuhepa嫁比穆爾西里二世嘅時候相對較年輕,但並非年幼的少女,因為她同穆爾西里二世有過兒子。

有點使歷史學家氣餒嘅係我哋對Danuhepa所知非常少,以及對她響宮庭中的爾虞我詐嘅角色所知甚少,因知道呢個問題響穆瓦塔尼二世及烏希.圖哈合兩位穆爾西里的繼任人在位年間一直困擾住西臺王室。我哋唔知道對Danuhepa嘅審判同放逐發生響卡佚石之戰前定後,但專家普遍相信發生響之前,當一位國王要御駕親征之時,被敵方捉到甚至戰死沙場嘅風險係存在,尤其是對埃及咁強大而舉國全力出戰嘅對手。穆瓦塔尼肯定好緊張繼任人選嘅問題,佢必須確保即使佢自身戰死沙場,佢嘅兒子都能夠響無受挑戰嘅情況下繼位。

毫無疑問,呢個正係穆瓦塔尼小心而且詳細嘅計劃,以預備出國對決拉美西斯。響任何情況下,西臺王室的歷史清清楚楚嘅教訓係當國王在外征戰時,國內發生政變嘅威脅係最高。穆瓦塔尼二世同佢嘅後母之間關係緊張已非一日之寒,如果佢真係對將自己其中一位兒子捧上西臺王位有野心,佢對於她的繼子以及穆瓦塔尼的兒子係一個重大的威脅。呢個係穆瓦塔尼出征敘利亞前必須解決嘅一個問題。

事情終於到咗Danuhepa不得不被放逐嘅地步,到咗呢步,穆瓦塔尼就唔需要擔心自己不在西臺本土時發生政變嘅風險,可以將全副精力投入到敘利亞之中。

除此之外,呢個亦都係穆瓦塔尼將自己排第二嘅兒子卡隆塔(Kurunta)交比哈圖西里照顧嘅背景。呢個係卡佚石之戰前幾年穆瓦塔尼嘅決定。穆瓦塔尼好可能將卡隆塔送到赫皮薩斯,佢兄弟正響果度做緊國王,至少當佢響哈圖西里嘅照顧下安全可以得到保證,免受Danuhepa同佢嘅支持者威脅。至少若然烏希.圖哈合呢位王位繼承人遭遇乜野不測,佢仍然有一位兒子可以頂上王位。呢個最壞情況最終都冇發生到,但為咗要達到讓佢自己兒子可以順利繼位,穆瓦塔尼嘅做法開咗一個好危險嘅先例,並為持續不停的王室內部鬥爭打響咗第一槍。長遠而言,甚至可能導致西臺最終國運嘅衰落同埋覆亡。

 

Previous

努力興建,盡情破壞

港共進退失據,人人齊入元朗

Next