有班泛民聲稱話想同本土派破冰，我就屎忽痕搞咗部「本土派快速測試器」俾大家玩吓，如果本土派可以搵幾個人就代表得到嘅話，咁就證明你哋同個社會完全脫節，正如鄺醫生所講「本土係思潮唔係實體無phonebook」。
延伸閱讀：
【看圖簡評系列 — 《本土前，本土後都無用，泛民只係緣木求魚》 】- 百彈齋主
正如我所講：「本土派已死」。呢個係壞事，但唔係最壞，因為「本土未死」，用鄺葆賢一句嘅hashtag #本土係思潮唔係實體無phonebook ，本土係一種意識，一種政治傾向，當時梁天琦出選就確立「三分天下」係建制，泛民之外，多左一個主張傾向，而唔係多左個組織。
又或者咁講，泛民想好似以前咁，搵「代表」去傾，拉攏代表去all in自己，如果兩年前都「還可以」，因為都仲有政治組識，或者有代表人物，但今日呢？用我嘅對話黎講：
「如果係兩年前，或者可以以咁嘅方式，搵到「本土派」合作，但係到今日係「政壇」或「民意領袖」，可以代表「本土派」呢？依家搵邊個，都無可能代表到本土派。」
Polymer 嘅打雜 + 改圖/製圖組成員一名