細個除咗驚啲時裝店入面啲膠人公仔同讀書之外，我相信最令我怕怕就係恐怖份子。
因為我好有印象有一單新聞就係話啲恐怖份子拎住舊炸彈衝入學校同學校啲人同歸於盡！但最尾啲淨係炸死好多學生，老師就無人死。
當時我除咗感到可惜之外，就係不斷咁問點解佢地要咁做？
MISS LEE解釋：「佢地被人洗左腦。」 望住呢位我最討厭英文老師，我都覺得我嘅恨意再大都唔會蠢到拎舊炸彈去同佢攬住一齊死。
後來我就明白，原理同日本武士切腹一樣，呢樣係無上嘅光榮，言然自爆同切腹都係剎那間嘅事（切腹會有介錯人幫佢地了結）但係香港買樓就係永無止境地去自殺，就如普羅米修斯一樣。
我老豆同大部份上左年紀男人一樣，每次見到警訊入面啲騙案就取笑人地無知，同樣佢都係覺得啲恐怖份子好諗蠢。
「屌你老味，啲人真係咁撚蠢，叫你去死就去死。」
係，而呢一個亦都係大部份人嘅諗法；但我地係香港樓奴又何嘗唔係咁？
人地打聖戰死咗，起碼覺得自己之後可以上堂仲有５０個處女膜你玩，屋企人仲會以你為榮；但我地係香港捱到死咗，換黎嘅就人地笑你唔捱得。
最近網上面有段片，見到一個女人好開心咁係佢自己屋企到煮嘢食，係到介紹緊佢間屋嘅設計有幾咁方便，完全滿足到佢生活嘅需要，而呢間屋只有２００呎唔夠嘅空間。
佢住緊係劏房到呀！！！佢不單止住，佢仲係每個月供緊呢間劏房架！！
所以葉劉想立法２３條係正確架，因為香港將來一定會越黎越多恐怖份子。我已經幻想到１０年後會有好多香港人會為間１００呎劏房捱到腎虧，然後上新聞。
港豬廢青一名，只想吃喝玩樂不勞而獲 ，不求腳踏實地但求公屋有期
痞客邦：https://www.pixnet.net/blog/profile/skycms123