忽發奇想:青年新政只係Condom?

| |

青政自「冇成本玩野」之後一沉百踩,吹雞冇人到、宣誓宣唔到,分分鐘議員都冇得做,甚至連以前支持過佢地嘅KOL都紛紛轉軚踩埋一份,令到大家不禁開始諗到底佢地選舉時啲票同義工果啲點黎,而產生咗以下兩個說法:

1. D票假嘅;
2. 佢地真係流失得咁快,一個月就不得民心。

觀乎現時班KOL嘅表現,我就忽發奇想:會唔會係佢地純粹只係為咗想收熱普城皮而支持青政?一切純粹出自「反熱普城」嘅私怨?而青政就成為咗反熱普城者嘅condom,戴住佢黎砌熱普城,砌完就扔。當游議員連扑嘢嘅空間都未搵到嘅時候,一眾人士已經將佢玩弄完並扔埋一邊,陰公豬……。

記唔記得立會點票,教主落選果陣嘅歡呼聲?果陣真係稱得上「泛民本土大團結」,好似早兩日民陣幫青政搞遊行咁樣。因為佢地隊低咗個共同敵人嘛!「一票不投熱普城」、「射落海都唔益XX」、「網上食熱狗」等等,d slogan多到夠擺嘉年華攤位。

好啦選完啦,敵人做低咗啦,之前嘅一切盲撐,而家變晒「訓咗冇睇」、「打機冇留意」、「Tomorrow need work」,都好正常丫。

可能你會問:「私怨姐有冇咁誇張呀?」

傻豬黎嘅,我成日都話私怨會自燃,我永遠唔會睇小私怨嘅威力。你淨係望下香港各式各樣嘅辦公室鬥爭,就知道為咗私怨,真係咩都做得出。

第一代V煞葉政淳自嘲自己為社運避孕套,依我睇黎其實可能青政先係…… 不要再說了.jpg 。

#我替青政感到可憐

Previous

打倒異端,光復韓國

訴諸朋黨,於事無補

Next