「邊有人咁蠢食生豬肉㗎？」

（怕咗文盲，講清楚先：大家唔好亂食生豬肉！大家唔好亂食生豬肉！大家唔好亂食生豬肉！）

「原來生豬肉搽面包好好食！」
「邊有人咁蠢食生豬肉㗎？」
「平時唔得，有寄生蟲會肚痛甚至上腦，但係如果係德國特別品種，特別飼料，新鮮而且常檢驗下養嘅豬，係可以生食，好普遍嘅早餐...」
「飲食嘅野我唔識啦，但係我覺得呢咁樣係蠢囉！」
「唔係㗎，人地當地傳統，香港冇咁解。」
「我認知範圍冇，總之就係冇！你唔好解釋咁多！」
「嗱，比你睇，外國網都講咗。」
「我唔睇！你做咩用外國例子大我！」
「唔係大你，而係知多啲野分享吓啫。」
「你洽我！絕交！」

真人真事。這人無知、視野窄？
多少熱話討論還不過是如此？

「人生唔單只追求戶口幾多個零，仲可以有好多夢想可以做！」
「邊有人咁蠢唔揾錢至上㗎？有車有樓就有女有地位！」
「賺到錢未必最重要，人生苦短，點知幾長命？又食得幾多呢？到頭來做個倒模平凡人冇咗自己冇議思㗎。」
「咩夢想嘅野我唔識啦，但係我覺得呢咁樣係蠢囉！」
「唔係㗎，人地外國都係最求自己人生重要過追逐錢幣，香港少咁解。」
「我認知範圍冇，總之就係冇！你唔好解釋咁多！」
「嗱，比你睇，外國網都講咗。」
「我唔睇！你做咩用外國例子大我！」
「唔係大你，而係知多啲野分享吓啫。」
「你洽我！絕交！」

又或者將軍我最討厭嘅政治：

「和平靜默狂爭冇用㗎，議會都失效㗎。」
「邊有人咁蠢搞亂香港㗎？學班____搞事！」
「其實共匪入侵令香港沉淪得咁快，又咁多自己人唔爭氣容許制度暴力，我地唔可以再用三十年來無效的抗爭方式㗎。」
「政治嘅野我唔識啦，但係我覺得呢咁樣搞事係蠢囉！一日最衰都係XXX！」
「唔係㗎，全世界爭取民主自由都係咁，香港冇咁解。」
「我認知範圍冇，總之就係冇！你唔好解釋咁多！」
「嗱，比你睇，外國網都講咗。」
「我唔睇！你做咩用外國例子大我！」
「唔係大你，而係知多啲野分享吓啫。」
「你洽我！絕交！」

有人會話，可以用說話技巧去引導對方思路，最終由自己把口說出認同的說話，但有時對著偏聽偏執的人，倒不如慳番啖氣暖肚。

傲將軍Facebook： https://goo.gl/gq9fPJ

（太多文盲，將軍講多次：大家唔好亂食生豬肉！大家唔好亂食生豬肉！大家唔好亂食生豬肉！）