寫喺聚言八週年 – You can (not) give up

《罪》係beyond三子時期嘅作品,大家熟悉嘅《十八》都係,三子嘅歌唔 …

《罪》係beyond三子時期嘅作品,大家熟悉嘅《十八》都係,三子嘅歌唔少都極具前瞻性,好多我都喜歡,不過由於近排牙Paul去大陸搵奶粉錢搵得太鳩,太唔Rock N Roll嘅關係,適逢今個月係敝報成立8週年,終於的起心肝,換個新cover。

#198964 係隻好顏色,由於奧運台灣隊喺男雙羽毛球勝出而大熱,膠登(唔係高登)時事台都係用依隻綠色,當然我哋都係一樣。一如以往,編輯部嘅師兄妹同膠登admin固然要多謝,但某程度仲要多謝埋肥佬黎呢,當初小弟就係喺蘋果拜讀到編輯部老駱嘅投稿,點估到依加竟然可以做埋同事,我敢講老駱嘅文筆可以同陶傑媲美,一樣都係咁「十九」(連真人都係),既然才子放大假,希望佢嘅文章可以幫讀者止一止渴,但當悼念六四都成為禁忌,我哋依份小報仲可以行幾遠呢?

放棄大概已成為潮流,放棄繼續營運組織,放棄理念,甚至放棄香港,最後留低一堆負資產畀下一代。移民當然無問題,不過唔好自欺欺人,「留住有用之軀」重點係客觀上「有用」,淨係得把死人口冇用㗎,若果留守香港等同喺前線咁危險,咁「尊重前線決定」依點希望各位好好記住,抗爭最重要嘅唔係武器,而係勇氣。

個個都可以做網媒,但唔係個個做到聚言,我哋係小網小媒,但我哋係好網好媒,今年繼續請大家多多指教,亦祝各位喺亂流下平安。

※投稿請電郵至 [email protected][email protected]

發表評論