《大娛樂家》(原曲:《北京北角》李克勤)

無疑,《北京北角》是一首不貼近民情的維穩歌曲。中港矛盾,已經愈來愈多,講真話的會被封殺,講假話的反而被抬舉,香港社會已經被嚴重扭曲了。

巴打「牆腳已被撬」為大家帶來這首二次創作歌《大娛樂家》,充分反映部分娛樂藝人的虛偽,為了龐大的中國市場,不惜卑躬屈膝,放棄自己的良心,選擇消音,對香港的不公義充耳不聞,加入維穩行列。

[hr]

《大娛樂家》

原曲:《北京北角》,李克勤
編曲:林一峰
改詞:牆腳已被撬
主唱:妁小汀
結他彈奏:連尼住
MV:Tommy Shek

東北東角 相通只有 充斥戰亂
你卻淡然笑笑便算
為了某個價值良心都可送斷
大娛樂家 歌舞頌暖

忠心可以 得到賞賜 搾取意願
獻上自由再也別怨
沒有赤化 帶著無知 心慌意亂
成惶承恐 扯線自轉

卑躬不免 屈膝作賤
娛樂者不怕不便
洗走反抗 然後發現
餘下安穩那路線

東涌不遠 擠得太亂
原來港口早變天
遮掩雙眼 從未發現
全紅色早已盡佔
而良心都已被染

表跡者卻 得到炒作 一番臭罵
決破石牆 那會懼怕
但這世界有人情願通通作罷
大娛樂家 堆砌敗瓦

卑躬不免 屈膝作賤
娛樂者不怕不便
洗走反抗 然後發現
餘下安穩那路線

東涌不遠 擠得太亂
原來港口早變天
遮掩雙眼 從未發現
全紅色早已盡佔

卑躬的臉 今天發現
奴隸今天 已出賣昨天
通通寫進 歷史的裡面
是誰都不會避免
如良心不再互欠
城牆中央再遇見

膠登post:
http://hkgalden.com/view/160521
http://hkgalden.com/view/163793

《公安無間道》(原曲:《無間道》劉德華、梁朝偉)

經過2014年七一之後,香港真係病咗。點解香港會變成咁?
警方究竟仲可唔可信?仲有無公信力可言?對著一幕幕無理清場、粗暴對待記者及示威者嘅片段,我哋仲可以啞忍咩?雞蛋撞高牆,哪怕反抗聲音不夠瞭亮?繼《公安騙子》之後,又一香港赤化大製作,無經過綵排,無背過劇本……香港公安,黑暗醜惡,真實呈現。

[hr]

《公安無間道》原曲:《無間道》,劉德華、梁朝偉
作曲:伍樂城
改詞:妁小汀、Tommy Shek
主唱:妁小汀(S)、namc (N)
S :我 這萬八份糧裡
愛自我在陶醉 挨罵也未曾累
N :麻木了 正義已被磨去
為了份糧 出力猛咁推
S : 返學再少 胡亂來預算
警方的推測每次差極遠
N:不理會抗命還是佔中 都估算少
圍鐵馬也要數十個圈
S:維和每次晝夜無間 漠視面前路
亂出椒兼打人 極其難服眾
N:時時愛以武力群壓 PK上路
似公安也為活得好
合:有沒有差佬 誰能知道
混進群眾的無間道

N :忠直太少 遺禍無限遠
禿鷹只欣賞愛國者論說
S :不理會抗命還是佔中 都估算少
圍鐵馬也要數十個圈

N :維和每次晝夜無間 漠視面前路
亂出椒兼打人 極其難服眾
S:時時愛以武力群壓 PK上路
似公安也為活得好
合:有沒有差佬 誰能知道
混進群眾的無間道

N :如何能成魔警樂園
能重回民心 總未如願
法理已破壞 持平路遠
合:佔中很苦 苦中苦 禍劫不間斷

合:維和每次晝夜無間 漠視面前路
亂出椒兼打人 傳媒還未到
時時以惡勢力瞞騙 封鎖我路
這公安似是爛仔好
快到瘋癲 全城知道
又再全變警犬 維和上路

膠登post:
http://hkgalden.com/view/159939
http://hkgalden.com/view/161428

《不可一世挑那星》(原曲:《不可一世》Beyond)

2014年6月27日,呢日係香港立法會最黑暗嘅一日,皆因新界東北爛方案,就響呢日強行通過。當晚睇住電視直播,呢個立法會簡直就同「膠遊記」一鬼樣,充斥住各樣牛鬼蛇神,八方妖孽。香港一片黑暗,香港仲需唔需要立法會,仲需唔需要議員?

呢粒星,真係人人得以「挑」之。佢個名叫做吳亮星,一粒唔會發光發亮嘅星星。呢一日嘅黑暗,就係由佢一手造成。為此,我哋已經忍唔住改左呢首歌,試問誰能為我sing?

原曲《不可一世》諷刺對象就係刻薄嘅老闆,依家呢首改歌,同原曲嘅分別,在於刻薄嘅老闆已經換成吹黑哨,人見人憎嘅「星星」。

 

[hr]

《不可一世挑那星》

原曲:《不可一世》 Beyond
作曲:黃家駒
改詞:妁小汀、中產地盆佬、Tommy Shek
主唱:中產地盆佬

無視議會規則群眾嬲怒
看立會失控偽與假
期望大眾出聲面對中共
破壞這特權幫 七一迫你我出走
誓要佔中 瘋狂叫嚷

官威的他 通通趕出去
草草審議 太囂張
膠官星哥 多麼的討厭
We don’t need him anymore, go to hell!

明話發展東北 實際搵笨
這是非經已任佢講
囤地富商狗官 共冶一爐
見弱勢就嚟劏 七一迫你我出走
誓要佔中 瘋狂叫嚷

心虛的他 東北的爭議
草草表決 太囂張
左派幫拖 多麼的討厭
We don’t need him anymore, go to hell!

(星:點呀?又有邊個覺得唔滿意呀?)
(眾:我哋呀!)

心虛的他 東北的爭議
草草表決 太囂張
左派幫拖 多麼的討厭
We don’t need him anymore!

官威的他 通通趕出去
吹出黑哨 太囂張
心虛星哥 多麼的討厭
We don’t need him anymore, go to hell!

膠登post:
http://hkgalden.com/view/157733
http://hkgalden.com/view/158013

《絕食偲嫣》(原曲:《愛情陷阱》譚詠麟)

有時打開facebook,見到有人很激烈地指李偲嫣拖糧,
或者從早到晚叫她「道德西」,我會覺得:『嘩!使唔使呀?』 先不要judge 李偲嫣做的事是對還是錯……因為李偲嫣「絕食者」這個角色實在很難做。我不想再對她施加壓力,想給她一份鼓勵,令我很想跟她講一聲加油……「加油呀!唔好偷食呀!等你餓死之後我地燒野落去比你食啦下……」

[hr]
《絕食偲嫣》原曲:《愛情陷阱》,譚詠麟
作曲:芹沢廣明
編曲:入江潤
改詞:Tommy Shek
主唱:中產地盆佬*日日夜夜落力絕食 被惡鬼戲弄
落力玩命獨自絕食 為佔中說道
抗議無理性 偲嫣請安心上路 快步
盡是暴力 壞事做盡 斷對家米路
偲嫣拖薪 狙擊粗口 力撐警霸道
強撐國教 搏到上報 只想出位 嫣姐太糊塗

偲嫣很苦惱 中央的圈套 要快快上路
對抗老美 腳軟快跌倒*

#困在幕營裡 怪獸樣任人看 豬樣真悲壯
撐到尾撐到去七一 速速升仙 歡呼拍掌
削掉大肥腩 要節食極惆悵 肚餓都死撐
餓 夠 好想偷食
要絕食 要絕食 要玩命 真太異相#

Repeat*##

要絕食 要絕食 要絕食 不要賴帳

膠登post:
http://hkgalden.com/view/156264
http://hkgalden.com/view/157135

《公安騙子》(原曲:《真的漢子》林子祥)

近年來,警察濫權、選擇性執法、打壓和平示威集會,迫使市民要用最激烈手段抗爭,結果令示威者被妖魔化為「暴民」。在曾偉雄領導下的警隊,形象已經完全插水;香港警察已經不再是香港警察,反而卻變成了「二等公安」,為中央維穩贏盡讚賞。

[hr]

《公安騙子》

原曲:《真的漢子》,林子祥
作曲:林子祥
改詞:妁小汀、Tommy Shek
主唱:中產地盆佬

維和論努力嘗試 言論控制 警察不怕遲
誰人在我未為意 成就抹黑本事
做個公安騙子 維穩的工作太寫意
全力要我和議 無辦法妥協的事

行為犯錯未為意 如若錯了 警察多砌詞
恆常道歉沒誠意 如在說天方故事
是那禿鷹老子 連生豬都要砌多次
全是作惡無道理 言論也許似瘋子

來集結血性男兒 為了佔中闖一次
仍願信我兩手創動人故事
成敗也不再猶豫 為理想終須一試
懷著鬥志去抗爭普選去追

來守我自由法治(來守我自由法治)
來改變大眾際遇(維穩那大意義)
能篤爆特權糗事(中央要令我記住)
求佔中維護正義

Repeat once


膠登討論區相關post:
http://hkgalden.com/view/151837
http://hkgalden.com/view/153779

《發展的推土機》(原曲:《Yesterday Once More》)

無情的推土機,摧毀了歷史痕跡,也摧毀了人情味,換來的是千篇一律的高樓大廈及商場。為了發展而犧牲本土價值,破壞自然生態,以換取安居樂業,真的值得嗎?香港失去的已經有很多,我們不想失去更多。為將來著想,請守護我們的香港。

[hr]

《發展的推土機》

原曲:《Yesterday Once More》 The Carpenters
作曲:Richard Carpenter、John Bettis
改詞:畢氏絲打、天邊一條腸、Tommy Shek、妁小汀、larrylo
主唱:柯德莉
和音:花膠那

從何時在發偉大建造高鐵夢
用數百億來接通
無視舊街坊盼望 建造優先麼

埋藏陳舊器皿別要待他發掘
儘快建好別再拖
歷史已淡忘 就快步向滅亡
來換建設賺更多

發展的推土機 洗去歷史足跡 別看
發展高速推土機 消去歷史枷鎖 別慌
無論拆掉聖山 卻盡建造這刻
處處倒模的建立 沒甚可懼怕
犧牲經已太多 (在用盡塊地……)

無視舊有格局網絡街里情
莫理往昔大角咀
望那舊區清拆掉 破壞這段情

勞役十世買下對岸千呎夢
鑊裡再炒未厭麼
舊樓強拍下 極放任鄉郊裡
誓要建設賺更多

發展的推土機 刪去歷史傷悲 是你
為了北京的商機 捨棄歷史空氣 是我
亡命建造更多 竭力破壞這家
發展東北的計劃 為利益做錯
犧牲經已太多 (在用盡塊地……)

發展的推土機 洗去歷史足跡 別看
發展高速推土機 消去歷史枷鎖 別慌……


膠登討論區相關post:
http://hkgalden.com/view/143252
http://hkgalden.com/view/153304

《長毛不再長毛》(原曲:《落花流水》陳奕迅)

無可置疑,長毛是一個民主英雄。即使我們未必同意他的部分觀點,但他始終都是一個敢言,敢於講真話,敢於反抗,對抗一切不公義,仗義執言的稱職議員。

如今,長毛要為全港市民,坐上於不公義之下的政治囚獄,從此遭到噤聲,不能在622出席公投,不能出席七一。

長毛被剪髮之後,長毛唯一的象徵標記已經沒有了──這就政治檢控的烙印。

 

[hr]

《長毛不再長毛》

原曲:《落花流水》,陳奕迅
改詞:Tommy Shek
主唱:中產地盆佬

長毛 立會中又再見到他
如今 異見卻面臨打壓
怒掟香蕉卻已成文化
然後被趕 屢遭譴責
哪個不怕 是他

真話 在當天亦會說出嗎
單獨集結被定為非法
憤怒 充斥於議會 繼續揚帆
沒有需要 驚訝

*長毛很清楚 衝擊這個責任
衝擊不公 堅決抗衡
他要往牢獄裡踎躉
便令人望見傷心
不公司法 政治弄人
加之予罪 令人激心
坐在監牢裡 此生留烙印
(命運敲定了 最終都發生)*

辭職 為港府又再摑一巴
重選 面對議論難招架
為退休保障努力提議
然後用拉布起身撐
泛過不少 浪花

公義 最終他亦會看到嗎
不義 被判獄在囚可怕
要是 他慘遭噤聲 憤怒未平
學會醒覺 好嗎

REPEAT*

想當初 警方竟再 用力為他椒噴
習慣如常 仍太過分
講真話從來是無懼怕
若默言 怎麼忍

REPEAT*

心中多沉重 萬千人共憤


膠登相關post:
http://hkgalden.com/view/150009
http://hkgalden.com/view/151453

[膠登音樂台周年紀念歌] [MV]《港呢啲》(原曲:《唱這歌》郭富城)

膠登音樂台陪伴大家都已經差唔多一年,由當初無人認識,去到愈來愈多人認識,成個過程都唔容易。響膠登音樂未出現之前,一直由高登音樂主導,如今我哋終於打響膠登音樂嘅名堂。

呢首係膠登音樂台成立周年紀念歌,個MV製作上花咗唔少心思,務求令大家了解我哋過去改盡幾多呢啲改歌。唔經唔覺,我哋一年之內就已經改咗咁多歌,再數埋依家改緊果幾首,都已經有超過50首咁多。不過,當中有幾多改歌會令你哋有所共鳴,令你哋留下深刻印象呢?

有 人話:「識講一定係講呢啲。」我哋就話:「識改一定係改呢啲,識唱一定係唱呢啲。」就好似呢首改歌咁,由三月已經開始寫,直到有人唱。當初諗住同佢搞下噱 頭,想學下高登玩下出真正嘅概念大碟,不過我哋無支金出,加上版權問題,所以只好FF下呢隻虛擬概念大碟,免費比大家聽。

期待已久嘅大project,如今終於夢想成真。多謝膠登音樂比咗呢個平台同機會我哋,亦多謝一班知名嘅,同埋唔知名嘅巴打絲打。未來膠登音樂呢條路,就靠我哋大家一齊行落去,為大家帶來更多諷刺時弊同惡搞作品。最重要係,可以令更多人認識我哋。

希望大家可以繼續支持二次創作,讓二次創作百花齊放!我哋係膠登音樂台創作團隊。

 

[hr]

《港呢啲》

原曲:《唱這歌》 郭富城
作曲、編曲:譚國政
改詞:妁小汀、Tommy Shek
主唱:柯拔甩

*電視極無味 食飯亦睏倦乏味
落力地逃避 別嘥心機 就此熄機
周街迫到死 又慢慢變做內地
請一班老死 費點心機 做出驚喜*

#聽我改 做夢也在寫你
聽我改 網上惡搞新趣味
聽我改 未來日子 集合網上全人類

二次改歌 有片同尋有樂願意fun
唱呢啲 美好前程跟我網中尋
若笑呢啲 笑出潮流我號令八方
惡搞歌 改詞歲月 由我掌舵#

Repeat *#

共唱呢啲創新 上膠登 最真
若你想in爆燈 唱呢啲

全力拍片 盡力去剪 風靡
有片同尋有樂願意fun
唱呢啲 美好前程跟我網中尋
若笑呢啲 笑出潮流我號令八方
惡搞歌 改詞歲月 由我掌舵

Come on!Galden Music mix!

《一語傾城》(原曲:《一變傾城》郭富城)

「tree根」可以話係香港英文反面教材嘅神話!經過多年努力,民建聯終於成功爭取「tree根」有屬於佢自己嘅歌!如今「tree根」一語成名,英文水平同try our breast真係有得揮,大家都係當笑劇睇下好喇!

[hr]

《一語傾城》

原曲:《一變傾城》 郭富城
作曲:Vincent Soriano
編曲:梁基爵
改詞:妁小汀
主唱:中產地盆佬
MV:Tommy Shek

特別語系 大學士派系
tree根英文talk得清新 真不可思議
語調在搖曳 oh er ei er ei er
電視內嘆謂 字字像發誓
但願你 漸漸可以學會
英文採訪跟你同行 並說一句

*I say er ei er ei er yei O
Tree gun say, I because, everybody
I say er ei er ei er yei O
I’ll be all, you’ll because, now the end of time*

造夢派系 造夢是美麗
今天新的tree根 講出一堆英文
出了醜 多徹底 oh er ei er ei er
就讀電腦系 大學士派系
現直播 就是可以令你
英文根底公告盛世 絕對失禮

Repeat*

#英語沒捍衛 er er er舊時代亦應退位
要記住收皮二世 你實在失禮
你傻瓜的話 大笑傾城 你令我笑到趴低

就讀電腦系 大學士派系
現直播 就是可以令你
英文根底公告盛世絕對失禮#

Repeat*#

I say er ei er ei er yei O
Tree gun say, I because, everybody
I say er ei er ei er yei O
I’ll be all, you’ll because, now the end of

Repeat*

[hr]

膠登討論區相關帖子,請按此

《港鐵厚多士》(原曲:《戀愛大過天》Twins)

「乘客『厚多士』……港鐵食嘢先……」
唔經唔覺「厚多士」事件已經發生咗差唔多超過成個禮拜,如今「厚多士」已經成為潮語。
呢首改歌,絕對係「厚多士」嘅代表歌。
就係因為有唔文明嘅大陸客,香港先至會咁「多士」(多事)。

[hr]

《港鐵厚多士》(feat. 洋蔥圈)

原曲:《戀愛大過天》 Twins
作曲:伍樂城
改詞:妁小汀
主唱:柯德莉、塞豆窿
混音、MV:Tommy Shek

謾罵太多 買嘢太少
幾多湧港客又跑掉
同兒子開餐 醫肚最緊要

難度沒有她 旅客會自愛 全無心裝載
吃「菜肉」完全沒有愛
貴客論才是應該

如壞了「新地」 中國大過天
惡爺想法 食飯埋便
連環大叫「蝦鵝」時
當然 仲話佢未成年 「你厚多士」
你「燒賣」呀 食嘢先
唔理阿姐的勸喻
猶如大炮般惡言
這些片 同日YouTube網上見

便便太多 廁格太少
周街屙的想法 又出現
而BB急屎的確太緊要
難度沒有她 旅客會自愛 全無心裝載
吃「菜肉」完全沒有愛
貴客論才是應該

如壞了「新地」 中國大過天
惡爺想法 食飯埋便
連環大叫「蝦鵝」時
當然 仲話佢未成年 「你厚多士」
你「燒賣」呀 食嘢先
唔理阿姐的勸喻
猶如大炮般惡言
這些片 同日YouTube網上見

旅客慣了開餐極自然
但願我食「菜肉」 未看見
而我是不懂關愛 「洋蔥圈」也難改變

乘客「厚多士」 港鐵食嘢先
想call警察 大話隨便
連環大叫「蝦鵝」時
當然 仲話佢未成年 「你厚多士」
講粗口去鬧你先
唔理阿姐的勸喻
猶如大炮般惡言
這些片 同日YouTube網上見

(你大個女 你大概應該)車廂清潔大家都喜愛
(你大個女 你大概應該)談規矩關愛 遊客不亂來
(你大個女 我大概應該)應不應要為她鍛練能耐
(你大個女 我大概應該)局長講過 臭臭亦無害
(你大個女 你大概應該)期望你們都可以轉載

[hr]

膠登討論區相關post:
http://hkgalden.com/view/139261