冇人性嘅人談「尊重」只係攪撚笑

話說2017年3月時,日本台場 Gunpla Base 行將大裝修,元祖高達 RX-78 亦要拆卸(同一位置換上 Unicorn 獨角獸高達),呢件事令人感觸很深,日本人對每件事物嘅情及魂簡直係人類人文精神嘅精華 —— 工作人員拆捨元祖後,一行人向守護台場Gunpla 經年嘅元祖高達首級行鞠躬禮致謝。

呢個畫面對許多香港人嚟講實在不可思議:喂阿哥你班三行佬咪又係打份工,拆走一件裝飾品咪拆囉,件嘢咪又係攞去揼,你班阿叔煞有介事又鞠躬又致敬做乜鳩?喺佢哋嘅價值觀中並沒有「魂」呢回事,佢哋都係物質資本主義嘅信徒,財可通神,有錢就萬萬皆能,摸得到嘅嘢就有「價值」,靈魂鬥志心機技巧呢啲睇唔到也無法量化嘅嘢就「冇價值」,你對高達個頭鞠躬?佢咪仍然只係一舊石屎,有撚意義咩?唔好話高達頭啦,如果清明唔掃墓會畀啲老人家屌,他們都冇乜興趣慎終追遠。

但係日本人絕對唔係咁諗,他們對「魂」嘅尊重係形而上的,講究人與人、人與物、人與天嘅尊重,萬物皆有靈,世間萬物都需要互相尊重及了解,彼此如水般嘅和而不同,咁先至有可能凝聚到一個民族一種文化嘅真正和諧,圖中呢班大叔尊敬嘅並不單係呢尊高達一比一模型,而係高達之於全世界嘅價值觀及箇中靈魂 —— 不畏強權、爭取自由、向暴政說不、人類點解唔能夠互相理解、反戰但和平不可缺乏能戰之力,諸如此類高達賦予動漫迷甚至「高達」呢種文化嘅 agenda,呢種對「魂」嘅尊重係對人對事物由衷達致精進嘅念頭,大和民族係畢生專心致志地做得到,懂得尊重魂嘅民族當然更清楚如何熱愛並珍惜生命。

崇優必須學習大和,恥劣還看港共林奠。

「行政長官林鄭月娥到訪機電工程署和運輸署,了解為應對近月示威和破壞行為所採取的措施和善後工作,她稱在持續半年多的社會動盪中,暴徒肆意破壞交通運輸設施,大大影響市民的出行安全,以交通燈設備為例,部門過去多月已更換超過5 000個燈號及100個控制器,相當於正常情況下10年的零件使用數量,涉及的額外維修開支約為港幣3000萬元。」

正所謂東施只能效顰,各位睇睇呢隻香渣第一賣港賊佢如何「關心」交通燈 —— 講來講去就係數字、效率、性價比,在牠眼中香港人跟交通燈亦雷同,動輒 no stake,輕率報銷更換,你以為牠真係尊重交通燈嗎?呢種窮得只剩下指令嘅濕鳩官僚,卻是中殖香港的「領袖」,政不通人難和,香港焉能不死?

當然啦,林奠當然不知道日本台場高達佚事,牠也不可能了解何謂尊重和魂,牠只是中共一台傀儡,死不足惜,對共匪來說,牠也只是一盞破交通燈而已。