當你試過打1823投訴公共服務

是日在下有幸再次享用香港的士司機幽質服務,教人遽然耿爽級不爽,不能不1823伺候,以下內容除咗隱藏部份私隱,一刀不剪,畀大家體會一下。

爽:我投訴某某的士司機拒載,車牌號碼TT192,時地人事係……

1823:爽生你好,你嘅畸屎我咃已經備案,請問你想循運輸署定係黑警立案?

爽:兩者有乜分別?

1823:運輸署會根據你嘅個案詳情,出一封勸喻信畀TT192車主。

爽:淨係勸喻信?只係畀車主?擁有呢架車及牌嘅人,九成九唔係嗰條拒載廢老啦,你唔係出畀司機,咪之係浪費地球紙張,阿車主&牌主收到呢封信係多(舊)魚,佢嚟手信都唔開直接投籃啦,咁樣處理「投訴」,做咗=冇做,運輸署真係運吉個噃。

1823:爽生,你可以咁講嘅⋯⋯

爽:咁搵⋯⋯警方處理又會點?

1823:警方擁有檢控權,佢哋會為你立案,但至於之後嘅流程我就唔太清楚,因為警方唔需要向我哋1823交代進度嘅,如果你想搵警方幫手,我哋會轉介你嘅個人及聯絡資料畀佢哋。

爽:er⋯⋯要畀個人資料⋯⋯警方,我就不了,你知㗎啦⋯⋯警方嘅(下刪數百字粗口)表現大家有目共睹㗎啦。

1823:爽生,我明白嘅,我哋都可以幫你試下以匿名方式向警方轉介你嘅投訴嘅,你放心,喺你冇同意前提下,我哋絕對唔會將你嘅資料交畀任何其他政府部門。

爽:匿名?咁都可以嘅,就用呢個方法先。


第二日,我食緊雞嘅時候

1823:爽生你好。

爽:點?

1823:警方回覆返我哋,佢哋需要你嘅個人資料去跟進返個畸屎。

爽:咦,你同事尋日又話唔駛個人資料嘅?

1823:匿名轉介OK,但之後警方需要任何資料,包括你嘅聯絡方法,我哋都只能轉介並尋求你嘅同意,你認可咁我哋先會咁做。

爽:⋯⋯

爽:咁唔駛啦,我唔信任呢班⋯⋯警謊,我唔需要牠們幫手啦,你幫我轉返件事去運吉署啦,唔該。

怪不得香港的士行業就來係成煲老鼠屎得幾啖粥,運吉署係廢嘅,你想投訴就要私隱全裸咁搵黑警「幫手」,相比的士拒載,畀黑警掌握並「跟進」你個人資料大鑊好多啦下話?結論就係無論你揸的士幾仆街都唔駛擔心,香港根本已經係一片無法之城,當警賊賊警原是一家,呢班蒙面恐怖分子正係香港最大公害,

成個建制制度吹到天花龍鳳都冇用,港共及黑警早已經誠信徹底破產永不超生,當你試過打1823投訴交通問題,你就會深切體會呢個黑警軍政權只能砍掉重練。