亞歷山大與希臘化文明:西方史的一個黃金時代(9) 巴比倫分封協議

 

巴比倫分封協議後馬其頓帝國國內的勢力劃分地圖

巴比倫分封協議

公元前323年6月11日,南征北伐十二年並將整個波斯帝國領土征服嘅亞歷山大大帝響巴比倫駕崩,根據歷史記載,佢響死前已經無法言語,因此呢個當時世界上最大嘅帝國好快陷入混亂,羅克珊娜則趁呢個機會刺殺亞帝的另一位妻子,佢嘅競爭對手波斯公主斯妲特拉二世,以確保自己權力穩固。

響巴比倫,眾將領召開會議決定繼任人選,當時亞帝王后羅克珊娜已懷孕,但孩子尚未出生,不知道其性別。另外馬其頓步兵反對羅克珊娜所生的孩子繼承王位,理由係佢有亞洲血統,而當時馬其頓軍隊厭惡亞帝的民族融合政策。因此,會議中有人建議由將領佩爾狄卡斯(Perdiccas)繼承王位,理由係亞帝死前曾當眾將象徵王權嘅印戒交左比佩爾狄卡斯,但佢起初並唔敢登上王位,認為應該等羅克珊娜的孩子出生後才作決定,此建議得到騎兵派支持,但另一位將領墨勒阿革洛斯(Meleager)則反對建議,因為佢認為咁會令佩爾狄卡斯成為帝國攝政並大權在握,步兵派則支持亞帝同父異母的哥哥阿里達烏斯(Arrhidaeus)繼位,即使佢有智障嘅問題並唔適合當上一國之君的位置。另一位將領托勒密(Ptolemy)甚至建議廢除君主制改行共和制。

在混亂中各方達成折衷嘅協議,由阿里達烏斯繼位,是為菲臘三世(Philip III),如果羅克珊娜的孩子係男孩,則與菲臘三世共治帝國,佩爾狄卡斯則作為攝政,並由墨勒阿革洛斯擔任副手。然而佩爾狄卡斯後來以閱兵為由騙墨勒阿革洛斯上當,閱兵典禮上佢宣稱要懲治叛亂分子,步兵派300人以及墨勒阿革洛斯被殺,佩爾狄卡斯大權在握。

響6月18日,即亞帝死後一個星期,各方亦都達成左帝國境內勢力嘅劃分。當中托勒密提議由佢出任埃及總督並獲得認可,塞琉古獲分得巴比倫尼亞地區,安提柯獲分得大弗里吉亞地區。諸將領獲分得土地後,危機暫時得到解決,但下一場戰爭正在醞釀之中。

亞帝遺體的爭奪以及第一次繼業者戰爭

亞帝將領托勒密(Ptolemy),即後來埃及托勒密王朝的建立人托勒密一世嘅雕像。希臘史上有名的智者國王,曾經設計奪去亞帝靈車及遺體而引發第一次繼業者戰爭。

亞帝死後,佢嘅遺體被安置響一副黃金棺材之內,並由香料及防腐藥物填充。公元前320年,亞帝的遺體以及黃金石棺被運離開巴比倫返回佢嘅家鄉馬其頓下葬,但中途響敘利亞時卻被埃及總督托勒密設計奪走並送到埃及的孟菲斯(後來響托勒密二世時期被移送到亞歷山大城並在該城的陵墓中安放到古典時代晚期,此後亞帝遺體去向不明)。帝國攝政佩爾狄卡斯大怒並帶兵往埃及征討托勒密,在此之前佩爾狄卡斯意圖同亞帝妹妹結婚已經引起安提帕特(Antipater)、克拉特魯斯(Craterus)、安提柯(Antigonus)和托勒密(Ptolemy)嘅不滿並暗中策劃叛變,亞帝遺體嘅爭奪只係比左佢哋一個開戰嘅籍口。

因此,第一次繼業者戰爭爆發,雖然佩爾狄卡斯陣營嘅歐邁尼斯(Eumenes)擊敗左亞美尼亞嘅叛亂同將克拉特魯斯殺死,但佩爾狄卡斯卻在埃及戰況失利而遭到軍隊背叛被殺,戰爭以佩爾狄卡斯一派嘅失敗告終。有份背叛佩爾狄卡斯嘅塞琉古(Seleucus)同安提貞尼斯(Antigenes)獲封巴比倫尼亞、埃蘭省,而培松(Peithon)仍保留為米底亞總督。而安提柯響得到安提帕特給他部份王軍而成為亞洲地區的統帥以及軍力最強的將領。