「共產顛覆法」睇時勢去舐共就係精?時日無多做順民就係叻?蘇聯時期Useful idiots嘅下場

TL;DR : 背靠牆壁,排成一行,槍決。

當一個共產政權想入侵一個地方嘅時候,都會先用計「顛覆」(subvert)當地社會,其中一個方法就係招攬當地人去投靠外來嘅政權,喺當地宣揚共產入侵者嘅好。冷戰時期,蘇聯嘅顛覆手法被一班叛變嘅特工流出。以下係取自Yuri Bezmenov同G. Edward Griffin嘅訪問。首先係source,跟住係主文。

Source

  1. 卷殘巴打中文翻譯訪問全文
  2. 英文 Transcript
  3. 訪問影片 (片長 1h21m27s)

正文

共產式顛覆,吸引到會投靠嘅人不外有三:

  1. 一班真心想「真正共產主義」實現嘅學者/記者(理想派)
  2. 一班想幫手奪權後分一杯羹,坐享其成嘅有權/有錢人(現實派)
  3. 一班想打倒現有迂腐嘅學生/退休人士/無產階級(大洗牌派)

好可惜,三者喺入侵政權嘅眼中,都係「有利用價值嘅白癡」,“Useful idiots”,因爲佢哋所知嘅嘢都係只有部份,利用價值亦只係短暫。

(1),蘇聯嘅做法係邀請佢哋出席一啲華麗嘅官方場合,晚會,或學術研討會,目的係令到呢班理想派覺得共產政權=歌舞昇平,而且暗示共產黨執政後,佢哋就可以無止境咁喺呢啲華麗嘅場合發表觀點。返到自己國家,呢班人就會開始吹奏敵國嘅繁榮。對 (1) 發放嘅虛假願景,就係「真正共產執政係完美」。

(2),蘇聯嘅做法係提供經濟甜頭,發展機會,目的係令到呢班現實派覺得投靠外來政權就係賺錢唯一方法,背棄自己族羣嘅利益,賺咗先算,有錢之後仲會喺共產執政嘅世界分一杯羹,做寨主。返到自己國家,呢班人就會開始將利益輸送畀外來政權。對 (2) 發放嘅虛假願景,就係「投靠共產政權就發達」。

(3),蘇聯嘅做法係提供發泄渠道,簡單化之後矛頭指向一個人或者一件事,將佢哋嘅自卑化爲社會撕裂,並推出「共產執政=社會和諧」作爲solution。呢個情況放喺香港,就係衍生出「廢老vs廢青vs藍絲vs黃絲」呢啲撕裂假象。返到自己國家,呢班人就會開始幫外來政權去「維穩」,批鬥一啲反抗外來政權嘅人。對 (3) 發放嘅虛假願景,就係「共產政權 = 和諧」。

好可惜,歷史話畀我哋聽,呢三班人如果決定投共,係冇一個有好下場。

根據 Yuri Bezmenov:

新德里左翼理想主義記者,被處決。
河內親共嘅 useful idiots,被處決。
尼加拉瓜,馬克思主義者入獄。
格林納達,馬克思主義者 Maurice Bishop 被另一位新馬克思主義者處決。
阿富汗,首先是 Nur Muhammad Taraki,被 Hafizullah Amin 殺死,然後 Amin 在 KGB 的協助下被 Babrak Karmal 殺死。
孟加拉,Sheikh Mujibur Rahman,一位非常親蘇聯的左翼分子,被他自己的馬克思列寧主義軍隊中的同僚暗殺。
與蘇聯合作的大多數印度人,特別是與蘇聯大使館信息部合作的,都被列入處決名單。

在他們的任務完成的那一刻,所有這些有利用價值的白痴要麼完全被處決,要麼被流放,或者仿傚古巴那般入獄。

結語

究竟舐共,「識時務投靠共產黨」,係咪真係咁多人所講嘅「精」呢?
你幫中共賺嘅錢,係咪真係屬於你嘅呢?
你幫中共奪嘅權,係咪真係屬於你嘅呢?
你諗住做順民,係咪真係會安全呢?
你諗住移民之後就無事,又係咪真係嘅呢?

Reference : 退休多年嘅前蘇聯特工,喺英國被俄羅斯落毒

下集預告:Sabotage,滲透組織後嘅破壞行動,喺香港嘅公司環境已經發生緊

相關討論 : https://lihkg.com/thread/772803/