再提新界西人的悲哀 輸在起跑點的通勤成本

早幾天發生了一件事令我很在意。

在地鐵站,靜待女友來臨的我,無意間的多手下,研究著售票機畫面地鐵的車費,發現一個震驚七百幾萬香港人,無幾多人會答到嘅地鐵問題。

在葵興站上車,除了過境車站外,究竟坐地鐵去哪幾個站的車費最貴?

港鐵路綫圖

應該大概有九成的人都估計是寶琳、柴灣甚至烏溪沙了。而答案正正寫在標題上,是西鐵元朗站至屯門站。

由 葵興 出發之
單程車票票價
落車站
$ 20.5元朗,朗屏,天水圍,兆康,屯門
$ 18.5上水、粉嶺
$ 16.0烏溪沙
$ 15.0柴灣、海怡半島、堅尼地城
$ 14.0寶琳,康城

當葵興愛上柴灣都算慘時,估唔到車費反而仲平過去大西北。

未有跨越九龍一步,貴絕過海線,究竟點解嗰幾公里可以貴成咁,作為新界西人,你話我仲可以講咩好。在大部分情況下,連接西鐵車站的車費,往往比其他綫段昂貴。
(唔信嘅可以禁下 MTR 官方網站車費計算系統,或者 mtrupdate嘅車資優惠計算器 )

你都可以話,都仲有巴士選擇,但實情是屯門公路、大欖隧道一向都係塞車重災區,再加上由大西北起程上班,久不久青嶼收費站會大塞車倒灌,上班準時也要屈就坐 MTR。

10月16日,港鐵四綫大罷工事件,縱使壞綫未有波及新界西北區車站,但汀九橋往九龍方向早在 7:30 就發生交通意外擠塞。在香港,沒有人是無辜的。

港鐵四綫大罷工事件後,港鐵皇恩浩蕩地指將會在未來提供半價乘車根本就在侮辱香港人,尤其是新界西人。本身車票半價下也沒有太大優勢,況且,相信坐西鐵往市區通勤的人大部分都是月票使用者吧?減車費完全跟他們無關,不如索性減月票售價吧。

在這高成本下仍能生活咁多堅毅嘅能人,難怪沿線地產項目升勢仍然,甚麼千億基建近在咫尺等等,一路GoGoGo啦。

係啦,嚟緊秋意濃冬天近,各位新界西人記得著多件衫,新界會再低兩三度呀。