文:pop子丶Faze、食魚有魚味

pop子:
講獨派(編按:意指空口說白話之港獨派,下文不贅)唔係因為冇實力冇人撐,係因為班人唔讀書,講唔出理據點解非獨不可。

分析唔到而家差啲咩條件先有獨立機會,諗唔到有冇辦法促進所需要嘅條件發生;唔知道要做咩準備,等條件出現時可以一舉作氣,唔明白一個獨立進程要經過嘅階段。

結果有班人想獨立嘅理據係訴諸情感,因為憎大陸唔妥共產黨。所謂嘅行動係一啲冇藍圖支撐嘅意義不明行動

上年明明好多人支持獨派架!但嗰刻感情行先,主要係食氣氛。獨派冇實質內涵同策略留住人,咪變泡沫好快消散。

你班講獨派讀多啲書先再講獨吧啦。

Faze:
純粹想學野 有咩書應該睇?

食魚有魚味:
以史為鑑,睇下波羅的海三地同加泰獨立運動嘅歷史先啦。

Faze:
唔該,想問梁啟智本《獨立路上》值唔值得睇?

食魚有魚味:
冇睇過,但如果佢講嘅唔係歷史,而係睇完歷史之後嘅個人見解,咁就可以慳番啖氣。

pop子:
其實都唔係睇幾本書咁簡單,係深入研究依件事。

先了解個進程,人哋嘅階段同條件,理解咗再諗方法促成。

你哋而家乜都冇,如果發現每每成功都因為有輿論帶風向,而輿論要出現先要有報社傳媒。

你哋會唔會有人打算未來二十年建立傳媒等時機?

如果發現成功要外交關係,你哋由零開始點建立外交關係?去外國演講訪問,見外國議員?

如果發現獨立要大量資金,要資金要企業支持,要商會支持,你哋由零開始會唔會諗開創獨立企業,定有其他方法搵錢?

如果發現政治犯可以促進獨立,咁而家香港有政治犯,歷史上佢哋個作用係咩?

如果發現要獨立就唔可以倚靠宗主國,你哋會唔會深入研究下香港同大陸關係,有乜俾人揸住春袋,有乜產業可以揸返人春袋,點去改變呢種關係?

如果獨立無可避免要軍火,咁你點準備?定好似佔中咁屋企做木盾對抗坦克?

你知我知獨立唔會係短時間嘅事,咁呢十幾或者幾十年你哋真係等運到,等共產黨改革開放,定係繼續做意義不明嘅抗爭,定有一個長遠規劃?

獨立唔係鳩嗌下就有,唔係衝下就有,難在條件難達成。

但你哋有冇嘗試從歷史綜合一下條件,再諗方法去促成?

而家同最強獨裁國家鬥,你班人零實力,仲要set一個有違基本法,體制內唔允許嘅目標,有冇諗下可以點積存實力,定開下Facebook page 放下火掛下旗就當做嘢?

(以上內容均轉載自連登,網址:https://lihkg.com/thread/662378/page/7?ref=ios)