投范國威不如射落海好過

真係投唔落手,睇返成個選舉,我都係射落海算。

要我投票畀呢一個口口聲聲話「代表」我嘅代議士,要我投票畀一個咁虛偽、唯利是圖嘅無恥政棍,要我投票畀一個暗地裡為發展商謀利嘅財團跑腿,sor9ry,我真係投唔落,你不如一槍打死我。

「本土?邊撚度本土呀?」
范國威大大聲話自己係「本土派」,又話自己「反水貨」,好喇,有本土派搞光復行動,佢就嗱嗱聲同人割席,我諗都唔洗我講佢有無同其他本土派同行啦,大家有目共睹,唔止咁,佢仲要喺電台節目插多本土派兩刀,下下針對住本土派,又要反對退聯,呀范生,咁你究竟係乜鳩「本土派」呢?

「目中無人」
梁游被DQ當日,大家都喺度諗緊點樣上訴,但係范國威就表現出一副 “Who fucking cares?” 嘅嘴臉,濕鳩到即刻同傳媒講會考慮參與補選,屌你咩,猴擒成咁,係人都知你流晒口水啦,有返啲同理心得唔得呀?咪衝出嚟柒啦。另一方面,喺初選未有機制前,對於一啲青政可能支持嘅人,范國威係完完全全地排斥晒,即使有記者問到青政出選,都會話自己出選就係為左大局,好似覺得只有佢自己先至係最有資格代表參選咁,咁撚自大嘅人,真係你屌埋我嗰份喇。

「假到hihi」
新民主同盟成立初期,的確係集合咗一大班真兄弟,強調拒絕白鴿黨嗰種「大佬文化」,所以只有輪任召集人而無主席。不過,如今呢個理念已經名存實亡,支持唔住范國威「大佬」嘅真兄弟,最後關頭都頂佢唔撚順,喺2016年立法會選舉嗰陣臨陣倒戈。冰封三尺,非一日之寒,能夠逼到一班出生入死嘅真兄弟做到咁絕、離你而去,范國威呀范國威,你真係柒到無朋友,仲話要團結泛民、團結社會?食屎啦你。

「黨友為地產商跑腿 ? 」

香港一眾囤地嘅地產商先至係真正嘅話事人。早年有報道指新民主同盟譚凱邦議員都有可能同地產商有關係,當時由譚凱邦成立嘅「環保觸覺」,有收取地產商嘅捐款(註1),意味住有可能直接或間接咁保護一眾地產商(目的以減少土地同埋公營房屋供應,增加土地價值),而當時有發展商正正就喺譚凱邦選區發展,區內嘅交通問題又似乎沒有好好解決,而佢嘅身位可能有衝突,呢個譚凱邦作為范國威嘅政治伙伴,你話佢地係咪狼狽為奸、淪為地產商附屬品?

「假仁假義」
當年,范國威堅決反對白鴿黨密會中聯辦,令超區成事,指咁樣有違民主原則,呢樣嘢更成為佢其中一個退黨原因、繼而自立門戶,成立新民主同盟。佢更藉住呢個光環,以及喺佢師父冚家富嘅支持下,成功贏得2012年立法會議席。但最可笑嘅係,喺2016年立法會選舉,新民主同盟為咗議席,竟然派人參選超區,說好的「民主原則」呢?

唔該唔好再同我講含淚投票。
唔該唔好再同我講乜乜柒柒以大。

註1:http://orientaldaily.on.cc/cnt/news/20171010/00176_089.html