十九大之後,深圳河以北電訊商推出咗「為習近平鼓掌!」,容許網民重覆睇習大大嘅演講。睇到好嘅內容,撳一下「我要鼓掌」,螢幕就會出現一對手掌,係19秒之內可以不停撳「點擊鼓掌」。根據廠商數字,推出之後兩日,累積掌聲竟然多達十幾億次。好似證明習大大真係好得民心,中國復興已經近在眼前。

其實大家都誤解上面嘅好意,因為佢地只係以依個App親身示範,為一眾IT巴打提供無限商機。我哋可以寫個IG plug in,等一眾A0毒男可以睇住女神嘅相,然後撳「我要鼓掌」、「我要親吻」、甚至「我要打X」,然後係一分鐘之內不停做自己幻想嘅動作。依個App嘅滿足咗毒男嘅所有幻想,亦等女神唔駛再幾百幾千個like咁去乞。只要有幾個夠忠心嘅兵仔,幾十萬「親吻」並非夢!夠放嘅女神,甚至可以收錢先俾毒男撳動作,分分鐘收入豐厚,提早買樓。

對於寂寞飢渴嘅中女,又可以寫個App,等中女放自己嘅相上去,然後撳一下「我要示愛」,木村就走出來同你講:「suki da!」。或者中女自己對住個電話講一句:「我係未好任性呀?」,明蝠俠就出來講:「係,不過係我揀嘅!」。食得偏嘅絲打,甚至可能鍾意收到徐志摩嘅情信,或者山雞睇住自己將腳相話:「淨係隻腳都玩成晚。」

總之,各花入各眼,每個絲打都總有一兩個幻想,依類App都可以一次過滿足哂!假如要課金,就更可以吸引一眾中女互相點數做聖誕禮物,25號可以同App內木村一齊食早餐!寫App嘅公司,只要搞好版權,上巿就非夢想!

港女幼稚膚淺,大家都知道。只不過原來一河之隔,仲有咁多都係鍾意幻想嘅同好,就真係既喜亦悲。