到咗如斯境況,仲有愛國既餘地咩?

倪匡先生曾經講過,本人亦曾係自己嘅文章中轉載:「妓女尚可相信,但共產黨萬萬不能信。」係尋日(7月13日)同今日(7月14日)中可以引證,有一班依舊視「中國」為其祖國之士,依然不斷受到中國共產黨既欺騙、壓迫。請自稱中國香港人/中國人既人撫心自問,愛國為你自己或者係劉曉波甚或係被DQ既人,到底有咩益處?

劉曉波,一生致力於推動中國民主進程、政治改革及參與旨在終結中國共產黨的一黨專政。佢所提出既《零八憲章》,只係希望係佢眼中既祖國-「中國」既人民可以得到民主、自由、人權等普世價值。可惜佢既結局卻係悲劇收場,臨終前依然要受到中國共產黨既監禁。

被DQ既眾人之中,長毛梁國雄亦為一位愛國人士。佢致力於建設民主中國,佢亦支持保衛釣魚台,佢更高聲反對香港獨立。由此可見,梁國雄實實在在係一個愛國人士。佢被DQ既原因只係宣誓當日既行為與宣誓既真正目的無關,並超出立法會既莊嚴及尊重,不符合「莊重規定」。有如梁國雄一樣既愛國人士,一樣受到中國共產黨既迫害。

點解劉曉波同梁國雄都要受到中國共產黨既迫害?

原因好簡單,因為中國共產黨已經同「中國」依個概念密不可分。係地理上,佢承傳咗中國古代既「普天之下,莫非王土。率土之濱,莫非王臣」既觀念,不斷橫蠻地擴闊自己領土(eg香港)。此外,中國共產黨不單止同化咗「中國」依個概念,佢仲自比為天。係宗教層面上,佢規定轉世活佛需要接愛中國政府的同意與認可,否則不會被視為活佛。

如此一來,劉曉波或者係梁國雄依D一心希望中國改革既愛國人士,最終都會比中國共產黨視為反中反黨反天既逆賊,更何況係支持香港獨立,保護香港文化既同道之士。中國共產黨依家會向愛國既人開第一槍,好快就會到各位同道。有如約翰多恩的詩句:「沒有人是孤島,每個人都是整片大陸的一部分,沒有人是完全的自己,而總是社會全體的一部分。當喪鐘為他人響起,你不要問喪鐘為誰而鳴,喪鐘是為你而鳴。」

到咗如斯境況,已經冇愛國既餘地。