自2007年開始,每年3月世界各地都會舉行Earth Hour,係約定嘅日子晚上,全城熄燈一個鐘頭,以宣傳環保節能概念。今年嘅Earth Hour將於今個星期六(25日)晚上八點半舉行,希望大家都會參與。

舊年Earth Hour舉行時候,世界自然基金會香港分會專登係尖沙咀擺左攝錄機,拍攝維港點樣參與依件事。結果,港島由中環到會展,所以建築物有響應,全部係預定時間熄燈,唯獨有一幢大廈拒絕參加,變成「眾人皆暗我獨光」嘅現象。

或者該大廈認為,咁樣做更可以顯出果個單位與眾不同,更顯出佢地眼中嘅官威。不過係現代社會,恐怕只會弄巧反拙,更顯該大廈嘅主事單位,根本未明白世界潮流,雖然霸到海港頭排靚位,但係仍未開化。

情況就好似暴發戶咁,可以成身名牌,但係一舉手投足,即刻出賣左佢冇文化嘅一面。據聞某私人企業,巿值數以百億計,但係主席借投行辦公室舉行分析師會議,事前食飯竟然要係地下痞住來食飯。後來幾經勸告,佢就改為係會議枱上面坐,照樣痞住來食。投行中人係最滑嘅一群人,當然係佢面前係讚訟佢「做人不忘本」、「毫無架子」、「不拘小節」。但係背後清潔阿姐點樣抹番張枱,重新打蠟,亦係廣泛流傳,係蘭桂坊酒吧裏面,笑左不下幾十次。

港中矛盾,有時真係唔涉及政治。所以而家無論出差定旅行,我都會帶埋我個「I am Hongkonger」購物袋,原因只係我唔想出到去其他國家嘅人,以為我都係痞係枱上面食飯。