有人希望愛情可以長久,但亦有人要嘅只係一夜歡愉,不求結果。

性同感情可以好緊密,但亦可以分得好清楚:你同女朋友可以係神交,從未有過肌膚之親,或者你地都係基督徒,拍咗五年拖連波都冇揸過;又可能你同個喺Club識咗冇一個鐘嘅人發生性關係,完事後一覺瞓天光之後走人,連名都冇問過。香港有幾多人試過一夜情?我答你唔到,因為正如打飛機一樣有好多人有做過但唔敢講,或者為面子就算冇都答你有。但我估試過嘅人應該有萬聖節嗰陣嘅蘭桂坊咁上下,可能更多。

點解一夜情會有愛與恨?如果你喺當事人就當然「屌你正啊喂」啦,落去飲兩杯見到個啱眼緣嘅埋去一輪攻勢得手就直接下場開波,馬上解決自己性需要,唔洗諗拍拖嘅性格夾唔夾或者之後點氹佢開心,一夜風流後一句拜拜就冇手尾跟。只不過如果你真係同一個人拍拖而又知佢好鐘意去蒲呢?總有人會擔心自己個男女朋友會唔會係一夜情常客,對方係男你會怕唔知邊晚佢唔得閒陪你可能就係偷食緊,甚至可能有日你一打開門就見佢喺度啪啪啪緊;對方係女嘅你又怕同佢一齊之前到底有冇半條蘭桂坊嘅男人搞過佢,就算男人接受到佢同EX搞過都未必接受到自己女朋友係嗰種幾杯酒就跟人上房腿張開嘅人。人就係咁㗎啦,我自己玩過冇所謂吖,但我接受唔到你又玩過囉。

人對性同愛都有需要,只不過有時又未必可以同時兼得,所以一夜情就成為一班未搵到理想情人而又想一夜溫存嘅人最好嘅發洩方法;又或者有人好鐘意貪新鮮刺激,就算有伴侶都忍唔住出去玩一夜情,覺得咁樣係保持一段關係嘅手法之一。你唔可以否定一夜情嘅重要性,特別係一個講性開放,性自主嘅地方一夜情甚至可以話係一個幾好嘅夜間娛樂活動。只不過凡事都有風險,再開放嘅人都有保守一面,正如可能你接受到你朋友玩一夜情但就唔容許自己女朋友有試過。萬一你心上人發現自己係曾經名極一時嘅「公廁」佢會有咩反應?同佢一齊之後又要怕佢身邊有冇朋友聽過,甚至搞過自己?又有可能一個唔覺意有一日發現自己做咗文員仔挑選那位,莫講話去玩去體驗愛情,人生都已經玩完。

食得咸魚抵得渴,要玩就首先要理解當中風險。有男女朋友有家室嘅固然要承受可能東窗事發最後失去至愛,就算而家係單身嘅都要諗下你以後想搵個點樣嘅另一半。做哂等險評估後駁唔過嘅就好自動縮沙啦;至於玩得起嘅你,歡迎你加入依個分分鐘令人樂而忘返嘅春色世界,送多你兩隻字:Have Fun。