世界上有好多唔應該問嘅問題,而「你有冇打飛機」肯定係其中一個。

答有,一班女人會露出踩屎般嘅表情,彷彿打飛機係世上最污穢最噁心嘅行為;答冇,佢地又話唔信,人一個男人點會冇性需要,點會唔打飛機。你要順利過關,一係就扮面紅扮怕羞叫人唔好問,一係你壁咚佢同時同佢講「有性需要我會同人扑嘢」然後帶佢走,當然前提係你有金城武咁靚仔,同埋你有地方扑嘢。

打飛機即係自慰,襯屋企冇人嗰陣嗱嗱聲開隻AV出嚟一路望住個女優比人扑一路靠視覺聽覺刺激再加啲幻想去解決自己性需要,每個男人(或者男仔)都經歷過。喺男人眼中打飛機就如食生菜咁正常,我地唔會見到條女喺餐廳Order沙律食就露出踩屎般嘅表情望住佢。望住班女人一方面話自己落老蘭溝仔比人食係自己自由,你唔應該帶有色眼鏡睇佢地,但另一方面知個男人會打飛機又會講「咦」、「好咸濕囉你」、「核突」之煩嘅嘢,我都唔知帶緊有色眼鏡嘅係邊個。

有女朋友唔明白自己男朋友點解仲會打飛機。佢地覺得自己樂於床事,理應滿足到自己男朋友性需要,但佢地唔明嘅係打飛機某程度上比扑嘢仲要舒服。要扑嘢嘅條件好多:又要等條女想要、又要就啱時間、又要有地方(屋企又好酒店又好)、又要做足前戲(你估個個撻都咁好奶?),有時誇張啲講句真係未到戲肉你就已經想放棄。但要打飛機咩?屋企冇人就得,就算有都可以Lock住房門帶耳機。望住網上堆AV燕廋環肥任君選擇,你要個女優著水手服又得,做人妻又得,又可以搵個痴女返嚟用言語都講到你硬(衰在要睇字幕)。打到一半覺得對水手服性趣欠奉,㩒幾個掣又可以換個教師Look嘅繼續。就算你女朋友咁好肯玩制服Play,你試下扑到一半要佢換衫吖,真係丁都剪斷你。兩個人間嘅浪漫情趣打飛機當然體會唔到啦,但有時真係精蟲上腦純粹出火嘅,打飛機係完勝同女朋友扑嘢。

唔打飛機嘅男人數量我諗仲少過中華白海豚。既然你都接受到男人會同女人玉帛相見,你都知成日落嘅蘭桂芳晚晚都有男女喺廁格激戰,咁點解你仲會覺打飛機係一件會令人面紅嘅事?最重要嘅係反正你心入面都知個答案係乜。