私樓仔探伯母有雞髀食好多人都知,但你知唔知私樓仔可能住得衰過公屋撚?

加多利軒個嚇死人嘅單位一眼望哂,仲要瞓梳化床。據蘋果日報搵到嘅資料「定價最平單位為3樓B室,實用181方呎,定價394.4萬元,折實374.68萬元,呎價20,701元。呎價最平為3樓F室,實用390方呎,折實717萬元,呎價18,386元」,冇錯,三百幾萬買間細過公屋嘅樓,你夜晚落去飲兩杯想帶條女返去開戰都要確保條女夠醉,唔會一開門見到你張「床」就嚇醒。

三百幾萬要喺香港買樓同瞓棺材冇分別,但如果你用嚟去旅行就唔同講法。我用香港人最鐘意嘅其中一個旅行熱點--台灣做例子,國泰搞緊個機票優惠,二人同行去台北每人九百起,然後訂埋間四星台北國賓大飯店,而家做緊每晚九百四十八。(3746800-900)/948=3951.37131,小數點後我唔計啦,啲錢夠你去台灣差唔多四千日,十年有突。佢地嘅尊貴標準客房有四十平方米即係四百三十呎,比起一百八十一呎大二點三七五倍,仲要酒店每日有人同你執房打掃,廿四小時專人服侍,各方面都贏哂香港間棺材屋。試諗下你喺台灣Club識到個台妹帶佢返房,一打開酒店門個服務員就同你講句陳生晚安,個台妹問點解佢地識得你?你漫不經心咁講句「可能我訂咗間房十年所以認得我」,我相信未做前戲就已經濕唒。

你話你份人傳統,有錢一定要買樓先安落?移民台灣要投資150萬做生意,然後喺松山買棟36.36平方米,即係400呎左右嘅樓要212.5萬,加埋即係洗362.5萬就可以喺台灣安居樂業。比起香港果181呎樓要374.68萬(係折後)仲要平多十二萬,夠你喺台灣定落嚟後去日本豪玩多轉。你話你仲有咩理由寧願洗三百幾萬買間連朋友都招呼唔到嘅棺材屋都唔移民過台灣?如果你覺得台灣都唔啱心水,日本池袋有屋都講緊係千幾萬円,百幾萬港紙,只係移民日本要求比較高,時間都長好多,未必每個人都願意。

其實我一直唔明點解咁多人都覺得要買到層樓先安落,特別係香港啲屋貴到咁鬼離譜。計我話與其為咗層樓而奉獻一生,倒不如得閒就去下旅行好過。辛辛苦苦買層樓仲要為咗還錢連澳門都唔捨得去為乜?返工已經夠辛苦啦,其他時間就用嚟放鬆下啦,好嘛?