早於今年6月3號,「非牟利」組織防癌天使協會出黎做咗場press conference,建議政府引入最新嘅九價子宮頸癌疫苗。過咗三個月之後,有關建議獲得火速響應,由(政府主力注資營運嘅)關愛基金撥款,資助領取綜援同全額書薄津貼嘅基層少女注射九價針。

9價子宮頸癌疫苗系當前世界上最新開發嘅子宮頸癌疫苗針劑,藥廠同醫學界都聲稱,9價針比過往嘅4價針接種成功率更高,可以免疫嘅HPV病毒種類更多云云。但是,作為一種新藥,9價疫苗嘅接種人群同應用時間當然系極之有限,出公帑(關愛基金的財政主要來自政府注資)來資助基層市民接種一種全新的藥物,大有慷納稅人之慨為藥廠跑單,以及借基層市民做白老鼠之嫌!

事實上,根據本地傳媒報導,威爾斯親王醫院及瑪麗醫院早幾年曾參與一項國際研究,招募14,215名女性參加,本港女性佔159人。一組人接種四價疫苗,另一組接種包含52及58型抗體的九價「加衞苗」,追蹤研究約四年,結果接種九價疫苗者出現子宮頸癌前病變嘅機會為0.01%,較四價疫苗一組嘅0.16%低,但佢地出現頭痛、發熱、惡心等副作用亦較接種四價疫苗多。研究結果去年在學術期刊發佈。

由此可見,即是香港本地醫院有份參與嘅藥物測試,也顯示9價疫苗嘅副作數字用比舊版4價要高!而且,呢個測試只係在香港選取百幾人黎做,一旦9價疫苗在香港大規模使用,隨著接種人數的大幅增加,會否有更多在測試中無法發現的異常狀況屆時才會浮現,就更加未可知之了!

過往好似日本政府為國民接種4價子宮頸癌疫苗,亦因副作用案例飆升而被迫中止接種計劃。子宮頸癌疫苗的副作用甚至懷疑致死致殘的爭議,長期縈繞國際醫學界。香港政府過去並未為市民推出任何資助注射子宮頸癌疫苗計劃,卻在最新嘅9價疫苗甫推出市面,就通過關愛基金呢隻白手套,為西方藥廠充當啟動客戶(Launch Customer),有鑑於港共政權19年來罄竹難書的官商勾結,當局此等「免費打針」嘅真正動機,就實難免啟人疑竇了。

「通往地獄嘅道路往往係由善意鋪成嘅」,奧地利經濟學家海耶克嘅警世名言,實在好值得今日香港人警覺。