http://m3.hkgolden.com/view.aspx?message=6556135&type=EP
唔知道大家有無睇過呢個post,內容係有個巴打話「自己因為唔返教會,所以比傳道人報復,以社工身份做啲行為令到佢無咗份intern,可能會grad唔到」。但係由於件事已經進入法律程序(聲稱),所以我都唔方便再直接評論得咁多,避免事情越來越複雜。但係喺我切入今次嘅正題之前,都想比大家睇吓少少精華片段,應該同我分析無關嘅,當電影小片段睇下啦。

207631:
[img]https://na.cx/i/4Ghk35.jpg[/img] 原POST樓主,我無左下面果段,幫我POST返出黎得唔得?Z_Z
不如順便出埋負責你今次呢個情況果位社工對你既果份評估
等各位知點解一間大機構可以咁快將你停學
其實無人想搞你,不過你講果D野真係令人擔心你有事
思古井:
[img]https://na.cx/i/8h6QL8.jpg[/img] 各位,呢段對話係7月中既,而佢地係8月先報警,如果因為我一句「再見」,而擔心我自殺,一個月之後先報警,會唔會遲左少少?
再者,如圖所見,我講「再見」,係因為佢地逼我出教會,我先禮貌上向關心我既朋友道別,而唔係自殺。
我絕對冇心自殺,希望大家相信我。

思古井反省下:(…為省略)
真係睇唔過眼,平時食開花生冇GOLDEN AC 都專登申請一個
想勸你收手LA,思古井兄
思古井兄,你不如真係自我反省下先喇
你一開post時講d唔講d,
一味講係俾教會人陷害
係呀, 如果淨睇你單方面既野,
呢到網絡世界個個鍵盤戰士,係好多人support你
但你都係要面對現實架..
有冇話俾人聽你你做左D咩令某D人唔太鍾意你?
有冇話俾人聽你講過你本身D分唔夠都可能要DEFER?
有冇話俾人聽你同人講過幾多次想自殺?

現實就係思古井兄自卑,想人重視,本身就DEFER更自卑,又冇人關心到你
同女團友傾計講自殺想得到關心, 最後女團友出於擔心信以為真
點知自己口UPUP玩大左,人地擔心你報左警,你就話人玩你
冇人SUPPORT 就搵一班跟車太貼既巴打絲打做勢

利申: 我唔係事件相關既任何人, 我講完就收皮GA LA,


好,睇完呢啲咁有趣嘅片段我哋都不如入返正題先。
宗教不嬲都係呢個社會運作嘅重要零件之一,我哋唔係淨係講緊一個人精神需要寄託之類,而係一個社會運作嘅條件。例如Max Weber都講過,protestant ethics正正係Captialist society能夠興盛嘅其中一個條件。而當然,仲有宗教仲可以團結社群,當做社教化工具,同埋作為訂立社會價值判斷嘅其中一把尺。但正正因為宗教力量咁有正面嘅影響力,而往往令我哋忽略佢哋potentially帶嚟嘅禍害。

其一,教會作為「絕對善良」角色,根本無可能做任何「邪惡」嘅事。而佢哋所落嘅道德批判,即使無變成社會嘅規範,亦都往往內化成為信徒嘅自我信念。內化咗嘅,未必係一啲真正嘅規條,反而可能係「教會永遠是對的」嘅理念。當然你可能會覺得,基督教宣揚善同埋大愛,呢樣嘢應該唔會有問題。但係一去到一啲涉及教會利益嘅事,無論教會叫你做啲乜嘢你自然都會照做。例如叫你send你同你朋友嘅chatlog比牧師,甚或乎斷章取義陷害同抹黑人哋。盲目服從都未算最危險,最危險係你以神嘅名義去合理化自己嘅行為,甚至乎以神嘅名義去令到自己變成善良嘅一方,例如去排斥被「撒但引誘」嘅前教徒,或者以神賜比你嘅善心去「關心」人哋而令到人前途盡毀。

其二,教會嘅神諭往往以聖經或者教會立場作為行動同說話嘅理據同脈絡,而往往忽略或者「超越」邏輯同情理。邏輯係呢個世界上最重要嘅嘢,人嘅思維同行動符合邏輯我哋先能夠組成我哋嘅社會。邏輯同你講「1+1=1+1」,試幻想一個社會有啲人會話1+1等於2,有人話等於4,有人話等於梵蒂岡,無人可以預測到其他人嘅行為,而且亦都溝通唔到,呢個社會根本無可能合作到,更加無可能有文明。掉返轉諗,如果每個人都跟一個錯誤或者不自然嘅邏輯去諗,例如每個人都認為人有八隻腳。無人可以provide到解釋,只可以跟住領導者嘅思維嚟行事,而又因為佢哋堅信領導者係冇錯,佢哋自然會跟住感情去放棄邏輯,咁人久而久之就會喪失思考嘅能力。到時可以作出任何嘅陳述,不論佢犯咗任何邏輯謬誤,例如話唔識A君但係可以講得出佢GPA唔夠要defer。

其三,教會嘅權力已經係大到即使佢哋觸犯咗任何道德規範,都無人夠膽出言指控。Oscar Best Picture ‘Spotlight’(港譯:焦點追擊)正正係一個最好嘅例子。當然有人亦都會話,美國係一個’God’s City’,天主教自然神聖不可侵犯。香港有宗教同(應該仲有少量)新聞自由,點會衰喺呢啲嘢手上。但正正就聽到有啲消息,早年有一單教會學校性侵案報咗比某份被認為係「自由」啲嘅報紙,亦都銷聲匿跡,令真相石沉大海。嗰份報紙每日有無數咁多煲水新聞,但唯獨去到宗教議題就即刻變成縮頭烏龜,連爆料whatsapp熱線都唔夠膽回覆一句「嘗試跟進」,咁叫人又如何相信媒體作為第四權嘅監察力?而再結合教會絕對係potentially「跨越」道德規範嚟維繫佢哋嘅「宗教自由」,宗媒假如有合作,影響絕對不比官商鄉勾結細。

最後送上一樣前人講低嘅嘢比大家思考。
Marx: We created god, we put ideal good things in god, we forgot we created god, we controlled by god.
如果’God is created’,咁究竟係邊個控制緊我哋呢?
最後希望大家關注吓post頭講過嘅呢件事。
因為希望呢篇文可以盡快出到,所以文筆同結構都可能比較散亂,請大家見諒。