當大家都瘋狂喺instagram發掘新女神嘅時候,我都唔係好記得對上一個開instagram係幾時。

我唔係話instagram唔好用,只係當愈嚟愈多所謂IG女神比人發現真人差十萬九千里,我每次望到啲皮膚又白眼又大腰又瘦波又大嘅IG女神果陣我都忍唔住會諗到底佢用咗幾多時間幾個效果去執相。而家啲女仔技術太高(我講PS方面),化完妝再加埋P圖之後真係想樣衰都難,有句說話叫「世上沒有醜的女人,只有懶的女人」,喺instagram世界入面依句一定係女神真理。到底你J緊果個係女神定係「粉底P圖合成獸」?我諗只有當時人先知。

身為一個合格嘅IG女神,生活照、沙灘照、性感照缺一不可。由「啱啱起身」果一刻到講Good Night之前都係佢地嘅自拍時光--咪住,你有冇諗過一個雙手拎住張被或者沙灘波嘅女神點解仲會影到相?用腳架點解可以高炒,角度又拎得啱啱好?好明顯佢有一位御用攝影師。如果果位係佢男朋友的話本來佢願意將女朋友送比大家視姦都冇咩問題,但好多女神都好鐘意不經意咁透露自己單身,例如一個人好悶或者單身萬歲之類。女神們當然知道自己單身的話對Fans吸引力更高,但到底佢男朋友點解會肯咁蝕底做無名(份)英雄?萬一果個唔係佢男朋友,咁又有咩人可以陪佢跟出跟入甚至影埋床照呢?呵呵呵。

IG女神同藝人一樣,你睇到嘅只係佢地想你睇果一面,好似LULU咁大意公告天下自己收咗好多兵嘅唔係大意就係死蠢。大家都知道藝人十個上鏡九個正,但見到真人你可能認都認唔出。IG女神都一樣,佢永遠只可以活喺instagram上面,因為佢嘅美貌係要靠好多嘢執出嚟,由打燈到執相等都冇可能出現喺現實生活。

當你下次又唔知搵邊個女神嚟J,之後過一排先發現原來真身係暗瘡大肥婆果陣,你可能就會明白到原來instagram係一個咁可怕嘅地方。