9月4號就係Vote Day。今年基本除咗少部份獨立候選人係投得過(其實我係講緊黃穎琛唧。)之外,「歸英派」因為政治籂選而無機會上陣,香港自決都係睇「永續基本法」嘅「熱普城」同埋所謂「獨派」嘅「青年新政」。

身邊好多人叫我All in 梁天琦Back嘅「青年新政」團隊。而我都一直喺「熱普城」、「青政」兩者間猶豫,但係最後都係決定投「泰博」名單。我會簡單講下點解:

青政嘅論述、政治立場問題,有好多人講過。事實上,自「青政」組成之後,對於呢方面諫、勸、鞭嘅大有人在。但都唔係我最擔心嘅嘢。我亦唔係唔支持梁天琦,我幾認同佢嘅抗爭哲學同理念。反而,就係因為青政同梁天琦同青年新政嘅抗爭思想完全唔同,我好難投得青政落手。(真心問:其實「青政」有乜思想⋯⋯),更何況青政新西張名單,仲要係黃俊傑,面對呢種思想差異和人選問題,我相信係青政成為「超級無敵負家產」嘅最大原因。

梁天琦係多次公開場合都有提過佢對抗爭爭嘅睇法,對「個人價值」嘅深信,對權威崇拜(造神)嘅小心謹慎。如果宜家因為「青政」呢嚿酸臭霉嘅政治浮木有梁天琦背書,而我選擇去投⋯⋯個人感覺上反而係違背咗梁天琦嘅政治哲學。而且入議會嘅始終唔係梁天琦本人,佢今次角色並唔係貨物本身,只係Sales。我冇理由因為Sales嘅往績,而去購買一件裹裹外外都令人難免質疑嘅貨品。

政治發展上,我相信講「永續」嘅「熱普城」,係其他社會、經濟、民生議題上,路線唔會同獨派差得太遠。換言之上述各方面,「熱普城」可以取代「獨派」喺議會嘅大部份作用。要講政治主張的話,假設熱普城、青政兩者都係政治浮木:既然各自爬山,獨派今次經籂選挫折、主力受創之後,我更加唔想選一嚿爛木入議事廳去代表「獨派」(「青政」唔只係梁天琦負資產,仲係「獨派」負資產。)。

二嚟,係目前政治環境同氣氛之下,我其實唔認為「永續基本法」有幾大機會可以實現。就政治現實嚟講,「永續」呢一回事本身就需要同中共協商、談判提供誘因。係桌上,除咗你勾結外國勢力得到其全力支持外,兩者地位根本無可能對等。而中共嘅Credibility係0,「永續基本法」係呢個層面上俾唔到人信心,我好理解。

但毋論「永續」實現與否,對香港自決自主會係重要一步:成功的話,會係一個「港獨Save Point」(所以我都幾肯定呢回事唔得,因為「永續」可以變為Save Point。);係議會受阻、失敗的話,氣氛會更趨激烈,最後都係歸向「香港獨立」。(DNLM!「永續」都唔L得?)

如前述所講,既然「熱普城」喺議會可以暫時補足到「獨派」政治主張以外嘅訴求、需要,係尋求政治浮木嘅現實考慮之下:點解我要選擇風險大嘅一塊?呢個係促使我「票予泰博」嘅最大原因。當然,我唔係叫大家跟隨,我只係純粹解釋下「票予泰博」嘅個人考慮同根據。

至於話「熱普城」聯盟嘅陳雲趕客:由於佢獨特嘅Brand Personality,我一直都係將佢分拆出嚟獨立審視。

補充:一個搞得差嘅黨,其為禍比鬼黨、保皇黨更為深遠!