當今網絡上,有唔少人同組織都批評青年新政,本文就想抽當中幾個爭議點試談青政,我認為青政最最最大問題唔係以下爭議點嘅內容,反而係當佢地面對所謂爭議後所作出嘅反應 – 好少正面回應,一味靠縮同博大霧輕輕帶過。而以下所舉例子純係想帶出我嘅論點,絕無攻擊任何本土同道之心。

第一單,游bb上花生台通敵講腐女,先唔講上花生台係咪等於通敵呢樣野,想當年有巴打都提過“挑!想當年,教主上過無線講波講世界杯啦” ;而我就確確實實記得教主係自己節目講到 “我上去賺d錢係全部support普羅sustain 繼續落去。”,講到呢度,haters可能會覺得繼續猜疑教主,而我亦非想係呢度評價呢件事,但好明顯地教主正視到有人會有呢個疑問,同埋佢好正面咁解釋到佢做呢件事係幫到本土長期發展。好啦,吊詭嘅事來啦,之後新西kenny比華人民主書院約去會場辯論,但去到會場只見廢陶同花生台banner就走,係咪姐係你都認同花生台(先唔好講通唔通敵啦)最起碼係有問題嘅呢? 咁你游bb就唔該出來同支持者道歉,咪以為交句:上去係還人情就當無數。

第二單,見好多人都中意cap baggio 坊問張圖重點話“公投出到來 青政係可以接受到一國一制”,我真係未見過青政走出來正面回應呢個問題,話說小弟有友人親身fb inbox問過all in hk 聯盟九東阿滔關於佢地果種公投理念,問 “如果你地投票出到來個結果由於可能建制操控(let‘s say)係唔好(姐係我呢度定義做flavor港共或中共),咁點算?” 佢回應嘅重點大概係“假如真係有咁一日個情況係咁,相信會有更多香港人叫身邊嘅人去參與政治或者拉票,想更加多人投入思考同關心政治問題.” 相信睇到呢度嘅你可能會對呢個concept有個好大嘅疑問或者認為不可行,但個問題係最起碼睇得出佢做呢樣野係有個理念或目標,青政present唔到呢個所謂自決背後精神,點搞呀大佬?

第三單,就最近期聰明選民論壇呢件事有個我個人好尊重嘅KOL講左個好好嘅point – 話個論壇有象徵意義 — 肯參與泛民所謂雷動計畫。而我單從好理念上思考,其實尤其依家真係出來選啦,每個論壇都可以係你表現同拉票嘅機會。論象徵意義 – 我想起當日熱普城簽確認書,(再先旨聲明,我唔係想批判熱普城呢個行為), 都會有一眾非建制支持者有疑問:“點解唔學天琦上JR,而馬上同個政府不戰而降?”當時陳雲會公開表示 “呢個係幫港共留一個政治逼害記錄” 再來啦,你認唔認同一件事,起碼人地陳老師肯出來講,肯為佢地所做嘅野出個解釋同負責先,而青政就靠博大霧 =,用選舉條例解釋(無關痛癢嘅外力帶過)。其實你一係就果斷d企出來話 “我唔認為咁等於屈服雷動,我相信入到去個論壇 我可能會比人針對,而同時入去係一個向人展示我地本土論述嘅機會”。咁當然,可能佢地未有才氣能力講呢句甘大口氣,再唔係,佢地可以出來誠心道歉 話“真係搞唔清楚係雷動班友搞或者話當時未考慮清楚” , 乜都好,你要出來拆同孭,就唔係博大霧等大家化淡件事.

比人challenge,思路清晰有即時反應反客為主是為上品,例如梁天琦(例1.人地話佢暴力抗爭,佢話自己以武制暴 例2. 面對成智超人話自己幫佢爭取大學讀 3. 回應無線直播中記者質疑”當本土派的聲音更顯著時香港更加亂”呢個講法) 阿大佬,唔要求你做到甘樣,但好多時就算你唔曉即時反應都唔該事後出文回覆/認錯啦,唔好扮無左件事。我真係好想好想你地贏,全部親本土名單入曬立法會,你地可能口才唔夠好;比較難吸納新支持者但唔該比d承擔鞏固翻我地呢d現有盤. 以上觀點未必全對,有則改之,無則加勉,還望本土同道賜教!