2016年立法會選舉,新界東選區參選人、本土民主前線梁天琦,係今日(216年8月2日)被選管會取消參選資格。梁天琦亦都係繼民族黨召集人陳浩天、香港民進黨楊繼昌、國民香港(城邦派)主席中出羊子、保守黨賴綺雯,同埋沙田區議員陳國強,共六個參選人被取消參選資格。由依件事可以睇得出,政府搬龍門既技巧愈見高超,明明簽咗確認書都可以比人取消資格。同時,亦都係告誡香港人以下多樣事項。

第一,中共唔可信。倪匡先生曾經講過:「妓女尚可相信,但共產黨萬萬不能信。」老實講,我就從未信過共產黨,但係仍要有香港人選擇相信香港政府,相信共產黨。所以係2014年o個時,有無數既香港人選擇「袋住先」,覺得日後共產黨會唔會對行政長官既候選人進行篩選,相信共產黨會係未來繼續改革行政長官既選舉制道。但係由今日發生既事可以得知,共產黨真係仲Cheap過隻雞。佢地為咗打壓反對聲音,將異見人士係今次選舉拒諸門外,結果徹底將自己既底牌翻起。可見當年香港人所擔心既事係正確。

第二,香港已無退路。雖然香港立法會既組成制道不公,但亦可算是香港最民主既選舉,至少比起行政長官選舉民主。但係由取消眾多參選人資格一事看起,依個制道已經徹底崩潰,政府公然剝奪香港人既選舉權以及被選舉權,明顯有違民主精神,情況有如支那既犯人被人剝奪政治權利終身般。香港既問題已經唔能夠單單較民主、和理非既方式改變。

第三,風暴即將來臨。現時民怨高漲,根據香港大學民意研究計劃,香港人對政府既不滿意程度已經超過50%(幾唔滿意為23.6%,非常唔滿意為27.3%);另外,本土同港獨思潮冒起,但係政府依然決意搞小動作欺壓本土派同港獨主義。最終只會令到民怨因為本土港獨思潮被打壓一事而再一次爆發。各樣既衝突好大機會再次係香港出現,輕則再度進行佔領行動,重則會發展出比年初一旺角騷亂更大型,更邀進既反政府行動。

係最後,有希望能以小小既例子,作為一個小小既總結。

係美國獨立革命前,英國送咗《印花稅條例》去到北美殖民地既議會,當時既保皇黨準備護航通過,但係其中一位議員Patrick Henry 堅決反對,保皇黨大罵Patrick Henry,話佢咁樣做,根本同造反冇分別。於是Patrick Henry 就回答:「如果咁都算造反,咁就大反特反吧!」(If this be treason, make the most of it.)

係電影《大丈夫》,杜汶澤飾演既角色徐嬌係計劃叫雞前,有一番自白。佢話佢條女自認識徐嬌既時候,每一日都會問徐嬌有冇出去叫雞、有冇溝過第二個。但係其實徐嬌佢冇。但之後徐嬌就發覺,橫掂佢點都比人懷疑,咁佢唔叫雞咪好笨?

係電影《美國隊長2》,美國隊長發現咗情報組織SHIELD有個驚天大陰謀,所以決定背叛SHIELD,並同佢既同伴一齊阻止SHIELD既驚天大陰謀。係開打之前,佢同SHIELD既全體員工講咗一番說話,一方面要踢爆SHIELD既陰謀,另一方面又想搵到更多人同佢一齊並肩作戰。當中以下既說話最為點題「The price of freedom is high, it always has been. But it’s a price I’m willing to pay! If I’m the only one, then so be it. But I’m willing to bet I’m not.」