如果你喺GOOGLE打波音兩個字,「波音蝠係雞係公廁」就係第一個搜尋結果。對好多人嚟講佢未必知我叫波音蝠,但公廁蝠依個名就肯定個個都聽過。因為我地數量太多大家都捉到悶,如果唔係捉我地有星塵,如果唔係進化會有經驗加,到底仲有冇人會理我地,我唔敢想像。

雖然我唔明點解數量多就叫公廁。明明冇人叫中國人做公廁,一街都一樣嘅韓國女人又唔會比人話係公廁,公廁界鼻祖連小姐得一個又叫公廁,大家對公廁嘅定義都好奇怪,不過我知大家都唔鐘意我就得。好多人捉完我地就會留低我地身上嘅糖果同星塵然後扔比大木,少數會用嚟進化,但最後通常都冇得留低。連大木博士都頭痛緊點安置我地,因為無時無刻都有人傳送緊我班同伴去大木度,就係我講完依句說話果陣,又有一打波音蝠送過嚟。

冇錯,我冇比卡超咁有人氣、我冇波波球咁得意、我冇啟暴龍咁打得。但對好多新手嚟講大口蝠就係佢地用嚟道館執雞最好嘅選擇,好多而家20LV嘅人都係靠捉完一堆波音蝠之後食LUCKY EGG再進化我地先可以咁高LV。我地波音蝠可能係比人罵得最多嘅小精靈,但同時我好肯定我地對訓練員嘅貢獻都係數一數二,如果唔係靠我地升LV訓練員點會捉到稀有精靈,佢地又點會咁高CP?或者我地真係小精靈中嘅基層,但如果冇咗我地,我諗你地而家10LV都未過到,啟暴龍你連望嘅資格都冇。

你可以唔鐘意我,你可以扔我比大木博士,但你點都唔可以鬧我係公廁。我個名叫做波音蝠,我同啟暴龍,仲有超夢夢一樣,都係寵物小精靈。