自香港主權移交中國,香港既價值漸漸下降。面對中共禍港,港獨成為唯一辦法。而係眾多港獨論述中,有如香港民族黨般提倡香港脫離中共,自成一國;亦有如陳雲老師的香港城邦論,主張城邦自治,永續基本法。雙方既論述均有優勝之處,而我作為一個「香港人」,定當要守護香港文化。而香港要建國,一定要有足夠文化根基。

任何一個國家,都會有其獨特既文化。以日本作為例子,其傳統文化傳承自唐朝,我地可以係和服既設計引證依一點;而武士道忠君愛國既精神亦係建基於儒家思想,所以古時既武士,以至君主都有學習四書五經同埋中國歷史。時至今日,日本亦慢慢發展出一套自己既流行文化,例如漫畫,電子遊戲等等,都一一成為日本既軟實力,不斷又不斷咁輸出國外。

而香港固然有其一套自家既文化。香港人係講廣東話,用正體(繁體)字。香港人一方面傳承咗中國傳統既習俗,另一方面又會受到西方社會既行為模式所影響。所以香港人一方面會上山祭祖,另一方面又會慶祝聖誕節萬聖節等西方節日。係飲食方面更係將中西既文化合而為一,簡簡單單落個茶記已經可以體會得到。除此之外,香港文化仲包括由香港電影所發展出來既無厘頭文化,令到兩岸三地,以至係日本、韓國都會睇周星馳既電影。而美國人類學家洛維曾有言:「我們所了解的文化,是一個人從他的社會所獲得的事物之總和,這些事物包括信仰、風俗、藝術形式、食物習慣和手工業。這些事物並非由他自由的創造活動而來,而係由過去正式或非正式的教育所傳遞下來。」建基上述例子同埋洛維既說話,我地足以引證,香港係有佢自己既文化。

或許有人會問,香港人咪即係中國人,咁香港文化同中國文化又有乜野分別啊?如果有人真係咁問,第一件事我會同佢講聲屌你老母先,第二我會同佢講,分別好大。香港人所講既廣東話,同廣州人所使用既有微妙既分別。香港人所講既廣東話係混雜咗英文,例如「士啤呔」「沙展」等等,但係廣東人所講既廣東話,則係混合咗潮州話以及客家話,例如「口涸」「口乾」等等;香港人係用正體(繁體)字,但係香港人用既正體字又同台灣人所使用既有些微既分別,例如個「屌」字,香港人盡大部份用個「屌」都係用來鬧人,但係台灣人用「屌」字係表示某D東西好正,令人好有感覺;再將先前兩者二合為一,香港人係可以將自己本身所用既廣東話入文,成為一篇有質素既文章,更甚者仲可以成為有法律效用既文件。

文化同國家都有著緊密既關係,要為建國立下穩健既根基,文化定為最重要之盤石。