有啲人,好鐘意,郁啲,就搬個逗號,出嚟。
  
喂,你知唔知真係會睇到燥。
  
如果你將一篇文當做一個人講嘢嘅內容,逗號嘅意思大約係飲水位,即係比你停一停去抖抖條氣。一篇文唔可以冇逗號,但唔代表你可以無節制咁用。屌你講兩三個字就要停,而家要你背三字經定你哮喘發作先?
  
我明白有(啲)人認為時代係時候改寫,所以想搞啲破舊立新嘅噱頭出嚟,玩弄睇落無傷大雅嘅逗號就成為咗佢(地)嘅目標。只不過標點嘅用法經過千百年嘅演化同肯定之後並唔係你話要改就改到,喺一個唔應該用逗號嘅地方,擺個逗號喺度比用分號代替感嘆號一樣咁無稽。
  
一篇文要吸引人可以喺標題落手、要人認同係靠你嘅內容同觀點、要營造個人風格都應該係著重文筆,但無論邊方面都同你點樣濫用標點無關。好似藝人咁,你要出位有好多方法,但要做到周永痕咁靠衰嘢上報又何必呢?就算比你增加到曝光率都好,你唔會喺當中得到少少甜頭。
  
毛言地覺得每個標點都身負佢地自己喺文章當中嘅責任,身為作家就應該要幫標點刻盡己任,而唔係要個逗號忙到暴斃佢先安落。要人認同,喺文字方面下多啲功夫好過啦。
  
讓文字改變目光,讓標點抖順條氣。