一路走來,始終如一,「冇害唔屌」一直都係胡迪既原則。基於呢個自我約束既限制,我好少會為私怨或者花生而寫一大篇文。但係藝人何韻詩今次瀨鑊野我就唔講唔得,是關胡迪平生有三大敵人:一.偽善者,二.偽文青,三.左膠。總括嚟講就係一啲表裡不一既閪人,而藝人何韻詩可以話係表表者之一。

老老柒柒其實本人幾鍾意藝人何韻詩既歌,喺香港咁垃圾既樂壇主流入面都算係清泉之一,但係要評論佢人格同品行我絕對唔可以偏私。

藝人何韻詩所在既文化膠布,Facebook page 聲明第一段「連日來,警方無理施放催淚彈、以暴力對待集會人士,港人歷歷在目。在和平表達訴求的學生和市民面前,這種有形之暴力,嚴重侵蝕社會文明。」試代入中大學生會長周竪峰,「在和平表達訴求的周竪峰面前,這種有形之暴力,嚴重侵蝕社會文明」多條影片顯示,此描述絕對成立。「我們喝止一切加諸和平抗爭者身上的暴力行為。」

身為召集人既藝人何韻詩又如何對待此事?藝人何韻詩個人公開Facebook page 「HOCC」 冇反應,當冇留意或者唔care都放過你。點知被人發現用私人account 「Raro Oso 」like左一啲話周竪峰抵畀人打云云既post,仲要加埋Haha 表示高興。當然有人會話私人account你理得人啦,問題係藝人何韻詩身為文化監暴召集人之一,亦都係公眾人物,唔係話用個人名義就做咩都得,難道689用「個人名義」簽名反佔中又冇問題?原來最後要印件「人人都是梁振英」。

左膠成日話受到政治打壓,藝人何韻詩、劉小麗、陳文敏等本土派小則幫口,大則幫手。昨日陳雲不被續約,左膠幫口「cant agree more」,與施壓者連成一線;今日陳國強份工都不保,左膠直頭做埋施壓者。

LMF – 《惡世紀》:
「睇撚住人欺凌 冇反應
係咪共犯有冇需要共同反省
睇撚住人呃秤 冇反應
反正各地走狗同一樣血性」

講到尾最後又係偽善,左膠用和理非將自己偽裝成聖人,表面對住黑警、愛字頭就話自己雙手舉起絕不還手;內裡對住你地最鍾意講既所謂「同路人」就先撩者賤、抵畀人打。唔肯承認自己有私心,欺騙人對你既信任期望,盡賺聖人光環;實則雙重標準,黨同伐異,抹黑、篤灰、打壓異己,人格卑劣。

話說回來,張翼出晒名係「本土含撚派」,主張找尋勇武派同左膠既合作空間,今次用溫和方式前來談判,而一個使者竟得到咁既對待,你地應該知道所代表既意義有幾咁嚴重,可謂自斷後路。無須再話勇武派騎劫運動、搞散運動,因為由呢件事開始,你地同勇武派已經冇任何合作空間,兼且醜態盡現,最終必定自食其果。