淘大時昌迷你倉大火導致消防員枉死後不久,我便看到facebook有很多朋友呼籲政府停辦71慶祝活動,記者亦就此詢問過梁匪振英,他的反應是黑面,粒聲唔出調頭走。以匪共一貫做法,香港特衰政府當然唔會取消71慶祝活動啦,反而會越做越大,喪事當喜事辦,係咁搬班消防員出來,盡情維穩。

未到71,一班香港偽人已經磨拳擦掌,一個二個舉起撐消防員的A4紙,影相維穩,聽講又有人作好了維穩歌,由一眾香港偽人獻唱,讚美消防員之英勇。如斯嘔心的歌曲我聽都免得去聽,但當然,大把歌豬會沉醉於維穩歌曲之妙韻,如沾甘露。

香港越來越像中國大陸,連災難後的維穩工作,都同一套路。天津大爆炸發生一年都唔夠,記得當時匪共高層都高度讚揚一眾消防人員為「英雄」,至於這些「英雄」為何白白犧牲,事實的真相如何,永被活埋。

至於香港的淘大時昌迷你倉大火,我認為兩名殉職消防員是枉死的。講到這裡,一些扮理性的人會撲出來罵我為甚麼未審先判。然而,一個真正理性的人,自然會明白,我們平民百姓,既冇能力去調查和審理案件,亦沒有權威性去做判決,何來未「未審先判」之理?一個理性的人,自然會明白,當權者往往會在災難事故後掩飾真相,以圖推卸責任。傳媒和市民大眾可以做的,就是努力提出質疑,向有關當局施壓,釐清責任,制定改善方案,避免悲劇重演。如果當局敷衍了事,要是社會上有足夠的輿論壓力,就可以鼓勵一些內部知情者爆料,迫使當局直接面對。

提出質疑和施壓,是民間社會制衡政府的手段。當然,政府和政府的幫兇,總會扮理性叫你唔好質疑,同時又會組織各界人士轉移視線,極盡維穩之能事。香港偏偏就有一大班偽人,平日出現各種大是大非問題,佢地自恃清高,莫不關心。到了政府要人維穩的時候,佢地就不分清紅皂白,配合煽情。消防員個個都係打份工,每個月正正常常有糧出,根本就唔駛人特登去撐。況且個個消防員都希望平安開工,成隊人整齊收工,安安樂樂做到退休,根本無人想做乜鬼嘢「英雄」!真正要撐消防員,就係要合力施壓,查明真相,避免再有消防員無辜犧牲。

兩名消防員之所謂無辜殉職,近因可以是現場指揮失誤;遠因可以是政府監督迷你倉不力。一眾香港偽人,有冇關心過消防員無辜殉職的背後種種可能性?你們對消防員死亡原因莫不關心,變相繼續將消防員置於險境,好讓下次大火再有消防員犧牲時,你們又有機會出來做維穩Show,這不是吃人肉饅頭又是甚麼?

仲有幾日便是71,我好肯定這幾天有關71的「慶祝」活動必定繼續,而且這些「慶典」一定會突兀地加入歌頌消防員的環節,令人嘔心的節目會接踵而來。