忍左好耐,本來唔想響呢個氣氛之下開人波,但真係愈睇愈嬲。

一班人懶醒走去買呢樣買果樣拎去火警現場,又飯又水又呢樣果樣,去「慰勞辛苦救火嘅消防員」咁話。

「附近超市便利店啲水已經被人買走晒送晒畀消防員喇」——嘩屌你我係咪應該好撚感動?

送一堆人地原本已經唔缺嘅物資過去會阻礙救傷車出入,呢點係 common sense 而我早前亦都提過。災場唔同佔領區——佔領區範圍愈大愈好所以水呀資源呀路障呀各樣野多多都要;相反災場就愈細愈好,只需要留低必需嘅救火救傷裝備,膳食都係一車車咁運過黎。This is simplicity. 無謂野同無謂人,走得就走。

無謂人走得就走,唔係「最好」,係「必須」。連飽經訓練、裝備精良嘅消防員都唔保證可以全身而退,一般街坊裝嘅市民又憑乜野?你估你真係徒手游出公海嘅高登仔呀?場火燒左咁耐,會唔會有倒塌危險都係未知之數,一個唔好彩出左事咪即係要消防員救多個人!諗清楚自己係幫緊人定害緊人未呀?

「有相影到消防員有食飯有飲水有飲寶礦力喎證明送野去真係有用啦」——喂,阿哥,見到你送野過黎,唔通真係開口屌走你咩?人地唔忍心屌走你仲同你多謝前多謝後係人地有禮貌,同人地有無需要呢啲野係兩回事黎架。(用個簡單例子說明:你送花畀女神而女神無即時塞返啲花畀你,唔代表佢接受你架,佢好可能只係唔想當面 hurt 柒你咋。)唔該唔好睇到自己咁重要啦,你係阻住地球轉咋。仲有……你啲飯盒放地下係咪?我以前做餐廳廚房,公司規定員工絕對唔可以將食材放響離地面少過 15 cm 嘅任何地方,以防細菌感染。你食到水肚不服可以即刻返屋企屙屎,消防員可以嗎?

去附近圍觀果班又係戇鳩。家陣做咩呀,湊熱鬧定真人 show 定烈火雄心真人版呀?死人架大佬!吹出黎啲煙有害架!我唔明呢個乜撚野心態,有乜咁好睇要走出街睇人救火呀,電視無得你睇咩?

走近火場影相果班仲離譜。你當自己戰地記者呀?家陣果度無記者在場嘅,你唔影就無人知咩事嘅?屌你啦!消防員筋疲力盡坐地下休息,被你好似去動物園咁影,咁樣算係尊重?民賤聯班冚家剷走埋去打卡係好撚仆街呀,但你班攝影膠又好得好多咩?

盲毛們唔駛仆出黎柒質問我「咁你又做左啲乜?」。第一我唔覺得幫左人要周街同人講,「施恩莫望報」咁簡單嘅道理個腦稍為正常嘅人都會明,呼籲人集體送水呢啲惡行我更加唔會做。第二,喂,我地唔駛做啲乜架。家陣火警,我地要做嘅就係「附近嘅人快啲逃生,離遠嘅人唔好行埋去」,等消防員可以專心救火丫嘛。小學都有教啦!

最後,如果你睇到呢度都仲堅持問我做過乜野嘅,咁我唯有答你:

家 陣 我 就 係 出 聲 叫 你 班 盲 毛 唔 好 繼 續 錯 落 去 , 唔 好 等 到 出 事 先 至 後 悔 !