知唔知咩係神?神以前都係人,不過當佢做到d人做唔到嘅野,之後佢就係神。

唔知由幾時開始,Facebook 充斥著一D專係比港女睇嘅文或者圖。例如「女生眼中最佳男友條件」、「經典語錄」、「何謂100分的完美情人」等等。本人將之命名為濕鳩港女文學。濕鳩港女文學係會針對男性,往往都會塑造到男人要好似神咁,要做到D人做唔到嘅野,從而保護一眾港女。但係佢地偏偏無視咗神都係人,人成日做嘅野,神耐唔使都會做吓。

比D例子大家睇吓:

每當我係Facebook見到濕鳩港女文學出現時,都會默默低頭,然後輕嘆一聲。

濕鳩港女文學當中開出嘅條件,往往都係不平等條約。佢地主張「女人永遠是對的」,「男人就是賤」嘅原則。看似為咗爭取女性平權,實則只係進一步咁惡化男女不平等嘅情況。喺佢地嘅條件當中,會要求男性隨時都要比部手提電話女性檢查,結果令到私隱蕩然無存;佢地會要求無論因為咩事而鬧交都好,男性都要係第一個氹番女性,結果忽略咗件事本身嘅對與錯;佢地要求男性唔可以同任何異性有來往,無視咗社會嘅現實職場上溝通嘅必要性。

喺現今嘅香港,男女雙方嘅權勢極度不平等,「牛唔飲水唔禁得牛頭低」一句即可解釋事情嘅因由。係一段關係當中,女性作為強勢嘅一方,非常願打;男性作為弱勢嘅一方,亦都非常願捱。女性視濕鳩港女文學中開出嘅條件為金科玉律,從而壓榨男性嘅權力。而男性又因為害怕單身,所以對港女嘅壓榨視若無睹。依種情況就正正就係「牛唔飲水唔禁得牛頭低」。長遠o黎講,濕鳩港女文學會令到男性愈來愈似一個奴隸,從而進一步削弱男性係社會上嘅權力同地位,。

不過,可能就係因為本人不嬲都係敵視濕鳩港女文學,唔識得對女性阿諛奉承,所以生存咗二十年,都係未曾有過女朋友,可悲。