港女崇洋呢個字眼成日都見到聽到,而且呢個熱潮完全無減退過,有無諗過點解? 就係因為成日都有人講!我要為女生們平反一下! 
港男崇陸,係呀,陸>係指大陸的妹子。雖然呢家好似已經唔係好興。原因點解,你懂的‥‥‥但我覺得呢個現象出現,都同香港女仔有關係嘅。最經常聽到會係覺得香港女仔唔"溫柔",唔似人地咁咁咁‥‥‥的確香港女仔講野有時會太直接,太真性情,咁性格夾唔夾,好見仁見智,不過我真心覺得香港女仔唔做作~(大部分)港女崇洋同港男崇陸根本無咩分別,但崇洋就會成日俾人講住提住。
其實大家都係想簡個自己覺得最好既另一半者,例如洋人俾人感覺有風度,靚仔(某種角度),細心,浪漫等等‥‥‥。。。而大陸妹子俾人感覺溫柔,體貼,樣靚身材好(都係某種角度)‥‥‥現實中好多人同事都會以大部分作準則,凡事,總不能一支竹打沉一船人呀!

某日上網睇到篇《別盲目祟洋無品西人你見過未?》
見過,我真係見過,那些年,我響澳洲見過好多洋人,傻嘅,顛嘅,露體嘅,咸濕嘅,吸毒嘅,打尖嘅! 咁當然都有好人。(另外,我重來都無覺得洋人就係完美)洋人都係人,所以唔代表每個都好,我亦覺得好多女仔都知道嘅,好明顯係常識,唔洗人講掛‥‥‥‥‥‥‥‥‥。不過外人看在眼裡唔知者,好似見到人地有個鬼仔男友就話人地崇洋,人地有無內涵你又知唔知。
如果真係盲目祟洋,講咩都無用,因為錯總會變成對的,你可以話情人眼裡出西施,你亦都可以話人崇洋,其實一切都係取決於你嘅態度而家係需要做一個真。自己既時代。