(按:本文原為聖法蘭西斯小聖堂三一主日之講章,在近日整理檔案時再次被發現,於是我就趁著今年的三一主日讓文章重見天日)

奉聖父、聖子、聖靈之名,阿們。

今日係三一主日,亦都係聖靈降臨期嘅第一個主日。或者大家認為基督宗教所相信嘅「三位一體」好難明白,好難理解。既然係得一個上帝點解又會有三個位格?今日講嘅嘢涉及比較複雜嘅教理,可能政治內容無乜,大家或者無咁鐘意,但我都要係度講解,因為三位一體係基督宗教信仰嘅核心。

聖經無直接話上帝係三位一體,即使父、子、聖靈係聖經的確有出現,例如聖馬太福音28:19「所以你們要去,使萬民做我的門徒,奉父、子、聖靈的名給他們施洗」。三位一體係尼西亞大公會議確立嘅,亦都清楚寫咗係尼吉亞信經之上。而今日嘅三篇經課就提及到聖父、聖子同聖靈依三個位格點樣令人同上帝建立三種唔同嘅關係。

以賽亞書提到果個上主就係聖父。好多一神教,好似猶太教同伊斯蘭教,都認為上帝係高高在上,無形而不可見,係好偉大,功威威嘅,創造天地嘅,係遙不可及。三聖哉頌Sanctus果句「聖哉,聖哉,聖哉,天地萬軍之主上帝,祢的榮光充滿天地」就係出自以賽亞書6:3。所以係以賽亞書裡面,上主係「坐在高高嘅寶座上」,係皇帝嚟嘅,而以賽亞第一個反應係驚死,因為佢話自己把口衰。結果以賽亞當然無死,而係上主用灰潔淨佢嘅嘴唇,赦免佢嘅罪。上主唔係共匪,上主係會主動釋出善意嘅。

上主係想同人建立關係。但如果全能嘅上帝一直維持佢果種全能,高高在上,同人分開,佢就永遠無法同人建立關係。因此上主必須自我限制,道成肉身,臨格世上,成為有限、有形、有情嘅聖子耶穌基督。

耶穌基督係基督宗教嘅核心。福音經課話「除了從天降下仍舊在天的人子、沒有人升過天。」上帝自我限制嚟到世上,成為一個可見嘅他者,同我哋一齊生活,受難,甚至死係十字架上,被埋而復活。佢可以坐係到,同尼哥底母依位猶太人嘅官傾計,願意同我哋建立關係,成為朋友。

好啦,之後耶穌基督復活升天,然後呢?上帝係咪自此離開我哋?唔係。上帝以聖靈臨在,降臨係我哋中間,甚至降臨係我哋裡面。羅馬書話,「因為凡被上帝的靈引導的、都是上帝的兒子。 」「聖靈與我們的心同證我們是上帝的兒女。」聖靈入咗我哋裡面,使我哋有新嘅身份,成為「上主兒女」,「上帝的後嗣」,「和基督同作後嗣.如果我們和他一同受苦、也必和他一同得榮耀。」我哋竟然係同基督有同樣嘅名份,可以一齊。但係依度有個條件,就係要與基督一同受苦。

其實三位一體就係咁簡單,今日好多所謂嘅牧師竟然都講唔出以上嘅道理。上帝三位一體就係依三個位格同我哋建立關係,由高高在上嘅聖父,變成與我哋一同生活嘅聖子,然後成為聖靈入咗我哋生命裡面。係理解三位一體,基督宗教哲學係近代可以簡單分成兩種睇法,一種就係黑格爾式嘅,認為以上提到嘅三位一體就係上帝要進入人類歷史自我顯然,讓人認識上帝。上帝比以賽亞同尼哥底母見到咪就係要佢哋認識上主囉,好直接。但諗深一層,係咪上帝只係想我哋知佢存在,佢係點樣,佢講咗啲咩就算?先知以賽亞能夠靠近聖殿壇前,尼哥底母又係法利賽人,佢哋唔通唔識上主咩?佢哋係非常認識上主,擁有好多知識。咁上帝做乜仲要向佢哋顯然?嫌佢哋知得唔夠多?對上帝嘅知識係無用嘅。唔通黎棟國同曾偉雄依啲假信徒無聽過上主話「凡動刀的必死在刀下」啊?但係佢哋咪一樣作惡?魔鬼都好了解上帝。

所以,我採取係第二種睇法:齊克果式。上帝三位一體最重要嘅目的,唔係為咗 show off咁簡單,而係為咗要同人建立關係,從而拯救人類脫離罪惡。罪就係無愛神無愛人,人類因為肉體軟弱,所以無力行善。因此,基督就係非常重要。耶穌基督嚟到世上,就係要展示俾我哋睇,如何係依個世界活出上帝嘅樣式,實踐真正嘅普世愛。所以我哋要反省,我哋要重生。信耶穌唔係口講就算,而係要同基督一同受苦,藉聖靈嘅能力去活出基督,證明你係真係有一個新嘅生命。

點樣重生?係福音經課裡面尼哥底母完全聽唔明依一點。耶穌話,「人若不是從水和聖靈生的、就不能進上帝的國。從肉身生的、就是肉身.從靈生的、就是靈。」水就係指洗禮。但係聖靈裡樣生你?就係聖靈進入咗你裡面之後改變咗你,使你有能力超越情慾限制去實踐愛德。今日好多政棍,社運棍,佢哋為咗自己一時嘅虛榮心,而非為咗成功,而亂做一通。佢哋就係因為無聖靈,佢哋表面好似想做好事,但去到最後都係自私,都係活係罪惡裡面。聖靈降臨就係要你脫離依一種生命,依一種生活。

聖保羅話「你們若順從肉體活着必要死.若靠着聖靈治死身體的惡行必要活着。」順從肉體而活就係為咗眼前短暫利益而放棄原則。建制派人渣咪就係咁樣囉!為咗升官發財,中共講咩佢地都贊成,民建聯就係咁樣。中共未出831之前明明自己有另一政改建議方案,中共一出831搞埋咩入閘出閘門檻依D野之後佢地就咩都跟曬中共。依D人就係無自我,無靈魂,已經死咗。

殖民主派都係一樣。今日有15個飯民垃圾議員上深圳面聖。依班人為左自己利益,為左有得入閘去選特首,佢地可以做到幾盡,六月中大家就會知道。王光亞高調話泛民中有「極少數的別有用心的人」搞港獨,依D「港獨飯民」就算佢地真係當選到中共都唔會任命。依句野咩意思?就係講明中共既罪性,佢地就係要抓緊權力唔放,佢地被自己既權力慾綁死。中共瘋狂打壓本土派話我地係港獨果陣,飯民做啲咩?支那會果班垃圾,繼續為咗自己利益,搞大中華民族主義,公開批評港獨,反對本土派,同中共口徑一致。依D人為左自己利益,完全妄顧香港依家正身處被中共滅絕既危機當中,出賣香港人,佢地就係活係罪惡裡面,無聖靈。

當我哋接受咗三位一體嘅上帝,我哋個生命一定要有改變,係一定要重生,令我哋嘅思考完全超越當下嘅限制同埋個人嘅利益計算。聖靈係會令我哋有勇有謀嘅,而唔係叫我哋自私 。

奉聖父、聖子、聖靈之名,阿們。