全書名叫 《Mind Control Mastery: Successful Guide to Human Psychology and Manipulation, Persuasion and Deception》。

洗腦,自古皆有,只係手段不同,目的一樣:你同意我觀點,然後一齊行動,貫徹始終。不管陰謀論,或現實政治,或多或少都會聽到有班友係俾人煽動,收咗錢,或者係「思想控制」。由日常廣告、選舉政綱、藝人歌手,甚至刺殺案、世界大戰,都離不開演講游說,「思想控制」。冷戰時期,間諜用精神科藥物和催眠強行破解對象嘅個人思想,什至將單一思想價值灌輸都所有國民身上。「爆谷實驗」教人家眼界大開,明日潛意識洗腦比藥物控制更有效,更不留下印,就慢慢衍生盤問技巧或NLP等其他洗腦術。

洗腦術,坊間大把書講,唯獨呢本書講得獨到,精簡。書中直指洗腦包括三大範疇:控制、游說、欺騙。中間各有方法門路,循序漸進,引導讀者點樣做到。貫徹控制、游說、欺騙之前,先要跟對方做個朋友,傾計唔會你屌我、我屌你。隨和相處,有來有往,就是書中所指嘅Building rapports 。

信任,安全感,從來都係一種感覺。第一印象做得好,透過傾計,講笑,找出雙方共鳴,然後對方自然依賴你。對方本身有求於你,固然可以借用此等機會去慢慢建立關係。透過傾計,講笑,找出雙方共鳴,中間需要用 Mirroring,模仿對方,跟對方小動作,用對方常用言詞或思路,什至語速、作句、什至口頭禪、呼吸節奏、停頓位。對方見到都會慢慢模仿你,感受你嘅弦外之音。

古語有云:「萬事起頭難」。令對方知道你嘅弦外之音,總要有個好開頭。開個好頭,可以用Gaslighting去訴說對方往事,然後叫對方聆聽內心吶喊,令對方開始懷疑自己,產生疑問,或利用Foot In the Foor Effect,俾對方做少少嘢,好簡單。等對方做完,感到滿足後,你就可以俾對方更多更難嘅工作,對方為度不失信任,保持形象,自然照做。書中還有其他手段章法,還望大家買書研讀。

當然,書中都有講洗腦,或游說中途,對方會回應或反抗。不過,洗腦對大眾只是初階,你要持續驅使對方行動,配合計劃,才可成事。人總會容易留低自己個圈子,不敢脫框突破。持相同理念等同輩會因為每日講同樣說話而產生 echo 效應,沉醉假象。不少國家權貴都會夢求精通此術,操縱人群。我等讀者如果照辦煮辦,同樣游說他人,手段盡出,則難失自然、隨心、誠懇溝通,以事論事。與其話呢種技術不道德,落喺壞人手上就慘,不如話洗腦術本身就是雙刃劍。你成功改變對方,跟你思維相近時,對方同樣都可以照樣學習,掉轉模仿你,改變你。你使用洗腦術,除咗考慮個人道德、良心底線,而且都要考慮到對方交友圈子,自身意志是否堅定不移,面對風雨飄搖都勿忘初衷。人,因群聚而自居,因聽道自自立。你游說一個人並唔代表咩嘢,人總會變,今天對方聽你講,明天對方都可以聽第二個人講。
24 Apr at 00:56 – Ed