荃灣出名多野食,有傳統茶餐廳、有特色冰室、有雲南米線、有放題、有韓燒、有泰國野、有甜品街等,今次小編推介大家四間我幾中意既荃灣西餐廳,有平價,有貴野。好!去片~

食熱狗!


呢排興熱狗,去荃灣一間日頭係café 晚上係bar既Doddie Café│Bar,夜晚好似好多人的,坐滿晒。

松露熱狗係店鋪推介的,小編好窮,只係係下午茶時間食左個黑松露熱狗同埋一杯ice tea(其實姐係lemon tea)。腸係採用蘑菇肉腸,面頭鋪滿黑松露醬,非常香濃,更正既係,麪包用牛油蒜蓉焙過,內脆外軟,暖暖地,好特別。

晚上為酒吧既Doodie Café

Bar從menu見到既酒都幾齊全,更有手工啤酒,happy hour時段為午夜12點至早上9點。

Doodie Café│Bar

味道評分5/5粒星


環境評分4/5粒星


價錢$70-200

地址:荃灣富華街9號運通洋樓地下

歐陸關係lunch好推介

第二間推介既西餐廳-歐陸關係好適合番工番學既人,平日有午餐餐比d學生妹OL,價錢只需五十蚊左右就有唔錯既意粉,仲有碗餐湯,而假日就要跟番menu六十幾蚊就配蒜蓉包,味道同皇后冰室差唔多,但係平d。

 

平日既時段我就叫左個菠菜龍利柳忌廉汁意粉,唔特別好味啦,菠菜唔係人人接受到,龍利柳正常,幸好有忌廉汁救番個意粉。


味道評分:3/5


環境評分:3/5

 

 

由於歐陸關係實在係「唔想諗食咩」既一個唔錯選擇,所以假日又去左食,今次就叫左個煙三文魚蘑菇蜆肉忌廉汁闊條麪,要讚既係呢度既忌廉汁調得唔錯!呢度既食材算ok,五六十蚊價錢有呢個質素都算對得住自己。

 

味道評分4/5粒星


環境評分3/5粒星


價錢$50-100

地址:荃灣荃興徑8號昌泰大廈地下4號B舖

 

Melissa Seafood and Grill休閒英式下午茶

兩點半下午茶gogogo,如果心血來潮唔想成日食茶記個d下午茶的話,又肯比多少少食好西,可以來Melissa Seafood and Grill嘆個歸英下午茶,除左歸英下午茶之外都有好多其他下午茶小食。


呢個咁別緻既下午茶有分咸點和甜點,咸點有漢堡、三文治、三文魚沙律等,甜點有cheese cake、馬卡龍等,賣相幾靚,味道都唔錯!同你既情人好朋友,二人拎下野食,傾下偈幾sweet。

不溫馨提示:星期六日/紅日泥食呢個下午茶的話,要準時D,小編試過三點半泥到,歸英下午茶就賣晒T_T

味道評分5/5粒星
環境評分3/5粒星

價錢:二人用$200up

地址:荃灣楊屋道1號荃新天地地下G48舖

 

EL CERDO All day breakfast 推薦

呢個All day breakfast 真係好足料,有肉腸、煙肉、炒蛋、三文魚等,雖然係好普通的材料,但有時就係愈普通既材料,就愈難整得好食,而呢個All day breakfast就係一個簡單材料都可以整得好好味既例子,而且擺設十分特別,賣相吸引,睇相都已經令人唾涎欲滴!

除左All day breakfast,仲有一個牛肉burger都唔錯,薯條係厚的,食物好食,更好食既係,綠綠地色個個香草醬點沙律/薯條都超夾,超好味!呢兩樣菜式,都食得出廚師既用心。

不過唯一一樣唔好既係,burger上面用煙印左店名,有陣煙薰味,有d難頂。

食物評分:5/5
環境評分:5/5 (裝修好有格調,由不同六角型組成個feature wall)
價錢:$200-400
地址:荃灣大壩街77號地舖

下回預告:由於荃灣真係好多好野食,所以下回想做番個荃灣-港式茶餐廳推介