NESCAFÉ Dolce Gusto Hong Kong X 黎明 Leon Lai X 100毛單Case本來唔想講,最特別只係賣落 King Jer 娛樂台度(落 PassionTimes 熱血時報好出奇?Sagami、game都落過熱狗的,有咩好大驚小怪。)直到我見到 Conrad Wu 講番Nestle因奶粉誤導消費者遭boycott單野….

是的,Marketer做嘅野好陰質,工作性質「係生仔冇屎忽」…呢樣野係早排同朋友食飯佢提醒番我。Marketer有幾罪孽深重?睇吓咩行業最多廣告就知:

– 化妝護膚:用幾多石油製品唔環保?幾多殘忍動物測試?
– 藥廠:西醫藥嘅陰謀論,點樣醫一隻病送多兩樣病痛,點樣食一隻藥害人一生,點樣暗殺揭發藥廠罪行嘅人,自己Google….
– 食物:諗吓啲麥_雞係點殘殺啲小雞,諗吓剩番有咩食物唔係基因改造,諗吓啲農藥或假有機菜係點污染水源就明…
– 銀行、基金:點吸血點呃錢大家明掛?
– 樓盤:天文數字去sell你一生人都未必供得起幾幾百呎,而你比嘅錢包埋啲假CG假Mockup真鬼妹….
– 時裝:幾多血汗(童)工廠?幾多空氣、水污染?

呢啲行業加加埋埋養咗絕大部份Marketer、agency、Media、(真假)明星/KOL。
如果換個角度,喺呢啲公司做Sales, Account, Operation, Logistics, IT,HR,Legal,全部都有份助紂為虐,每個係呢啲行業打工嘅人隨時都罪該萬死。

將軍係咪想替呢啲行業巨頭辯護?唔係。
將軍係咪想替marketer辯解?唔係。
相反,我認同大家為搵食,作嘅孽係有果報,係要自作自受,地獄的火有多熨無可忘掉。
(利申:湊過嘅客有藥廠,有洗頭水護膚品M巾嘅FMCG,食肆、銀行、手機/電腦廠…而我最想做嘅marketing野,係選舉、政治,可惜香港政黨sssss冇一個有vision去落本壯大呢個industry sector。)

鬧,係可以的;但要鬧嘅野仲有好多,慳番啖氣做自己野好過。
既然行行皆hihi,唔想良心責備可以點?
一係學MC仁退隱塵世,自耕自足;
一係做番啲功德買贖罪券。
至於點買贖罪券,就各自修行吧。
將軍呢個身份人微言輕,休筆後終於終於終於諗到個計劃,換個跑道,試吓再發圍,但願將來用第二個身份多啲人聽我講野。