李城提前奪冠都要多謝熱刺領先兩球之下比人追和,佢地先可以睇住電視拎到球會第一個英超冠軍。我明白熱刺球員好唔忿氣,眼白白睇住一個自己有機會到手嘅冠軍落喺人地手上,但輸波都仲可以再接再勵,一但輸品你想改變返人地對你嘅印像就真係好難。

熱刺班波其實好有希望,主力後生有潛質,近幾年已經係前四有力嘅挑戰者,最重要嘅係陣中有唔小英人球員可望喺未來成為國家隊主力。本來我都覺得依一班波唔錯,但對車路士果晚熱刺真係令好多人反感。你話踢緊果陣肉緊,有爭勝心,所以咁多犯規都算,我都明踢得波難免有火藥味,但到底到完場推人教練又係乜熱血嘅玩法?成七十歲嘅老人家咁跌法真係可大可小,今次就話好彩冇事啫,萬一佢唔係跌落後備席張櫈的話可能後果會嚴重好多。

  熱刺有嘅係前途,其實只要KEEP住依班主力,比佢地吸收多少少經驗,佢地仲有好多進步空間。何況近年傳統BIG4都走緊下坡,最穩定只有年年第四嘅阿仙奴熱刺要爭前四唔難,就算要爭冠都大把機會。佢地唔同李城主要打道氣,佢今年穩定嘅法揮原本有小小似NBA嘅馬刺:唔係最搶眼果隊,但冇人會懷疑佢贏到任何一隊嘅能力。但佢地就冇馬刺咁冷靜,亦都唔識點樣去尊重對手,給果就變左哥斯達咁樣,好波但又好剋人憎。

冠軍只有一個,但值得尊重嘅就有好多。原本李城同熱刺今季嘅表現就算最後拎唔到冠軍都好,佢地都會得到唔小人尊重,令大家支持佢地,希望佢地下季有好表現。可惜依一推,唔單止推走左佢地今季辛苦建立嘅形像,仲推走左所有人對佢嘅尊重。衰左唔係做無賴嘅借口,你唔可以因為失敗就怪人唔就你,唔放水,將自已不足怪落人地身上。世界上做到冠軍本來就只有好小數,大家唔會怪你拎唔到第一,只會怪你失敗之後做嘅居然唔係檢討自己,而係將怒火發洩落一個七十歲嘅老人家。

一個讚好,是對我的一點支持。
如果想分享給其他朋友的話,請標明出處並附上專頁網址。FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材。