王維基嘅港視,搞到今時今日咁𠼱Hea,搞極都搞唔到喺免費頻道開台,你估係衰啲乜?除咗係689唔妥佢之外,佢就衰係香港人懶係鍾意做醒目仔、古惑仔及世界仔嘅思維上。

本來佢已經獲得全港左中右大眾市民嘅支持力撐,風頭一時無兩,甚至做埋本土電視救世主都仲得,點知佢就係香港人醒目仔心態作祟,唔想得罪中共或者其他權力階層,以自己身為一個商家佬姿態彈出彈入,跳上牆頭兩邊擺,唔肯企係本土派、激進示威者,甚至係真正香港人果一邊,世界仔地以為,呢啲對權貴中共表現出嘅善意,可以幫到佢獲得牌照。

但係佢冇估到,呢隻「68狗」係癲嘅,話唔俾你就係唔俾你,就算亞視搞到幾咁樣衰,俾其他公司做都唔俾你做!你就算搞乜嘢司法覆核都冇用,依家香港唔係講法律,個遊戲規則已經唔係咁玩,你上訴到天荒地老都唔會有轉機。

本來你如果真係押注係香港本土派呢一邊,係今日港獨議題已經變成更激進嘅抗爭者語言,中共港共急於改變策略,變為要向本土派招安,甚至陸續開始投入本土思想以平衡中和港毒思維,係咁嘅環境同埋大前提之下,如果魔童早早已經押注本土派,而且又有大量民氣支持之下,好大機會會被政府以懷柔政策,發個電視牌比你,以收招安維穩之效。

但就由於你的古惑仔性格及手段,有大量本土派市民,選擇了離棄你,對你的電視台經已不聞不問,人氣及支持都大不如前,港豬雖然係蠢,但未至於柒度睇唔出你喺度迎風擺柳,況且以港豬嘅三分鐘熱度,係你刻意同激進派保持距離,以及低調消極反抗之下,好快便令佢哋失去興趣,使自己失去了議價的籌碼,變成一個過氣而又厭悶的新聞話題,再也成不了一個值得市民去為你抗爭的議題了。

適逢香港現在這一個劇烈轉變,舊有的香港醒目仔世界仔思維,着實需要改變,在你的生命及生活中,必須押下重注在你的信念上,再也不能左右逢源,你不take side ,很容易就被遺棄淘汰,因為現在已經是一個鬥爭的年代,各派别再也容不下一個騎牆的鬼頭仔,在新世代大家都需要立場鮮明的去示人。

在此都告誡各位騎牆抗爭者,你以為自己古古惑惑好醒目,可以遊走各門各派攞着數,但恐怕你哋只會得不償失,在不久的將來必遭其他人唾棄。

港視要成為香港其中一個免費電視台,我諗真係要去到香港國建成了,才有一些希望。

魔童真係有智慧嘅,依家投向建國派都尚未嫌遲。