細細個,唔少同學或者唔知邊位阿哥,都有一部任天堂,或紅白機,對住電視打機械人大戰,或戰機射怪獸。有時,親友採訪,大家都會打 winning eleven 、炸彈人等對戰game。好多隻遊戲,都會帶上輕快音樂,但好易放手唔玩。直到,我打呢隻 top gear 2,就開始欲罷不能。出門行街聽到車聲,個腦都爆返段音樂出嚟,勾劃到成個鬥車畫面。

初入畫面,就係一堆清單。正常都係1P GAME 單機,有朋友一齊玩就 2P GAME,然後START。如果想繼續進度,或出金手指打密碼就 CONTINUE GAME。之後就可以自己改名,轉自動波或手動波,然後就可以到車房,買引擎、油箱,車呔,配色。

入到主畫面,你要對 19 架車,限圈數鬥快第一就贏(廢話)。你通常 6 個 nitro 加速,然後等住倒數 3,2,1 就開始鬥車。現今一般嘅賽車遊戲,都畫唔少 3D陰影,Game Physics 計得好準,去預算反射。不過,畫面太花巧,會容易誤判,炒車完場。呢隻 GAME,雖然極其量2D扮 3D,拉畫面當第一身,但勝在構圖簡單,容易控制,字體字型都清晰。

呢隻比大眾賽車GAME搞笑。第一,撞車部份好得意。過彎撞到燈杆會白鴿轉或自己向前行。撞到車尾可以連環撞撞到前面黑晒,只要前面㗎車踩 break 就冇問題。第二,有時揸車爬頭,唔一定要預先CUT線。預計自己比前面車群快你大可以外線切入,然後再加速,都可以。有時見到句 EAT MY DUST, LOSER,BANZAI ,雖然講唔出咩嘢唔好死、活下去呢啲人生哲理,但都感到有相當嘅親切感,成個自信都返晒嚟。

打機,唔使華麗畫面,只有操縱和AI。課金彈app就訓低,操作簡單就啱晒。如果賽車競技,打到咁上下,都要你一定課金先過到關,不如唔好玩。

呢度有seed,慢用。