01OSANCAA789CC365B296Dl
叮叮叮!「係!主人! 」手搖鈴一響,女僕便會輕快的走過來,問主人有什麼需要。
雖然我唔係日本文化迷,但我覺得女僕Café都幾特別,因為客人同待應可以有很多的互動,十分有趣。即使同茶餐廳阿叔阿姐都有寒暄幾句,但同女僕呢種玩味好唔同。

呢間萌.女僕café位於旺角豉油街24-26號福泰大廈5樓B室,呢度既裝潢比人一種可愛同溫暖的感覺,提供漫畫等遊戲,有電視機播住日本動漫。整間餐廳都係充滿左男人,彌漫住一隻毒氣……而呢度既女僕打扮都幾可愛,著黑白色為主既女僕衫同兔耳頭飾,濃妝MK樣,服務態度良好,唔似平時d人話女僕只係叫聲主人就唔理佢。

呢度既女僕會根據你地係一班男人或一班女人定一對情侶,都有唔同既玩法,當然同男人就會玩得放d,見過有個女僕懲罰個男人跳舞,如果係一班女人,女僕就會同你地傾計,講下女仔野,而情侶都會玩,但因為始終有d尷尬而唔會玩得太開心,而小編今次係同男朋友去的,所以我都係建議一大班男人或女人上去,同女僕玩既氣氛會好過情侶。

呢間Café都有好多家規要遵守,例如唔可以偷影女僕。
呢度最出名係蛋包飯,小編就叫左蘑菇肉腸蛋包飯,我男朋友就叫左鰻魚蛋包飯。

menu設計得好有心機和有趣!

menu設計得好有心機和有趣!

蘑菇肉腸蛋包飯泥到之後,女僕就問我地要唔要畫d咩上去(當時我o左,諗左陣就畫貓貓 )女僕都畫得好有心機。先講蘑菇肉腸蛋包飯,佢裹面唔係白飯,而係有磨菇同蕃茄先炒香d飯,令到裹面唔會太dry,亦食到一粒粒蘑菇同肉腸,味道尚好,不過佢d肉腸係廚師腸﹐令到個蛋包飯有d失色。

Snapchat-8292278910117636797

DSC_0199_meitu_2

鰻魚蛋包飯就好食好多了(畫左熊貓仔但唔似)鰻魚汁非常之香,都有唔少鰻魚肉,算係幾足料。其實佢既炒飯係炒得唔錯的。

係食之前,女僕就同我地玩包前揼,點知我同我男朋友都輸左,就罰佢用bb餐具好優雅地食飯XD

DSC_0198

最後就叫左個花茶飲,飲完令人幾舒服,幾解渴和提神,心型杯幾適合情侶,而且有一種莫名既女僕少女香味~
DSC_0200_meitu_4

其實泥得呢度既,野食都唔係重點,都係睇女僕、同女僕玩為主既~

評分 (每項滿分為5粒星):
玩味:★★★★★
好味:★★★
餐廳環境:★★★★