看民用IT界歷史,久不久會出現某些巨無霸,但IT界又最能體驗江山自有人才出的道理。像OS,在PC年代,Microsoft Windows獨霸天下,但當智能手機一興起,便是Apple iOS 和 Google Android 的世界。Microsoft 曾經想染指流手機及平板系統,但無功而還。

通訊社交軟件更是如此!二十年前ICQ日益普及,大家無左ICQ好似會死咁,網上流傳ICQ要收費,人人叫救命,但當個風一吹向MSN時,又有多少人在用ICQ?但當facebook興起,繼而有了手機上的whatsapp,MSN亦宣佈執笠。

垃圾Facebook老板,好學唔學,向匪國靠攏,自我微博化。去年習總訪問西雅圖出席科技論壇,朱伯格歡天喜地與習總握手,已醜態盡露。近日,來自自由世界的朱伯格,更深入匪穴,到1989年北京屠城現場遺址跑步,並把照片立即上傳至理應被匪國封鎖了的Facebook網站,朱伯格投匪之心,路人皆見。接著有消息流出朱伯格獲匪國高層單獨接見,繼而又盛傳Facebook即將正式登錄匪國,令不少香港網友擔心,Facebook將日益與匪共的網絡控制政策接軌,令香港市民喪失表達意見的渠道。

其實大家又有咩好擔心?自由言論平台走去鬼國獻媚接吻,等同自殺,正好是另一輩IT人才創造另一個全新社交及資訊交流媒體之時機,作為用戶的我們,又何愁沒軟件可用?

至於Backup問題,曾幾何時,大家咪又係好緊張地Backup MSN的通信紀錄,對偶然不小心delete左通訴紀錄而耿耿於懷?時至今日,還會有誰會打開這些舊資料?即時通訊軟件和社交平台貴乎即時性,大家視作即時交換資訊的工具就好了。至於如果大家想將自己的私人回憶好好保存和珍藏,建議大家另闢渠道。說到底,工具就是工具,大家不用投放太多無謂感情進去。

有朋友話,中國市場實在龐大,在商言商,Facebook沾染這個市場實在無可厚非。早前我都睇過篇報導,話Facebook過多幾十年會變成全球最大規模的網上墳場。因為Facebook的新用戶增長率已見底,而現存用戶會不斷死去,那麼,可見將來,Facebook內的死亡人口將多於存活人口。因此,Facebook急於開拓中國這個新市場,新增活人用戶,令Facebook自己可以持續生存,實在無可厚非。

然而,Facebook這間公司怎樣計數和做生意,關我咩事?我只係期待,Facebook之後,香港人又有咩通訊軟件和社交媒體好玩。如果是香港人自己發明繼而遍及整個自由世界,就更有意思。留名等睇大家幾時齊齊跳船,離開這個已成魔的Facebook鬼域。