上次去左Pizza Bar食好西,今次小編就同班朋友去左食韓西- GOOBNE CHICKEN,係尖沙咀同旺角都有一間,不過小編就去左旺角食,方便丫嘛!

GOOBNE CHICKEN會提供手套同掉骨筒,不過得一隻手套,單手「隊」雞表示「輕鬆」(-_-)呢間餐廳係有真.韓妹、真.韓仔,落單要同佢地講英文,但同時都有好多偽.韓妹。

GOOBNE CHICKEN當然以烤雞為主,咁就叫左個香酥烤雞、蜜糖咖哩烤雞同埋雞串。

IMG-20160226-WA0008_meitu_1

IMG-20160226-WA0013_meitu_2

先講香酥烤雞,香酥烤雞烤得非常之乾,小編反而覺得烤得乾都幾特別幾脆,,不過味道方面,就淡而無味,一啲味都無,好想問佢有冇痷過、好想問佢拎啲鹽!
雖然側邊仲有啲芥末同咖哩醬可以增番啲味道,但啲醬食落好奇怪,同個烤雞完全唔夾,隔泥有碟細心既酸蘿蔔解辣(我同個frd食完啲酸蘿蔔立即面容扭曲!)

IMG-20160226-WA0007

蜜糖咖哩烤雞比香酥烤雞好食好多,不過咖哩味唔濃,蜜糖味重啲,醬汁好入味,質感一般,都烤得幾脆。小編同啲朋友用啲蜜糖汁點番岩先食個啲香酥烤雞XD

雞串

呢個雞串係最好食,醬汁好惹味,大蔥令到雞串更加香。重點係雞串下面有濃厚既芝士,係鐵板燒得燶燶地,拉啲芝士上泥拉到好長好多好厚,再搭埋落啲雞串度,真係一流!

IMG-20160226-WA0014_meitu_3

另外,小編仲叫左芝士雞蛋卷,一層層厚厚既雞蛋包住紫菜、芝士、青瓜、火腿和粉絲。食落口,雞蛋好鬆軟,有別於平時食開既韓式壽司。

韓國食炸雞當然配啤酒,小編就叫左Somersby Apple Cider同埋鯊魚眼淚酒特飲。

IMG-20160226-WA0005

反一反轉枝Apple Cider,就價值$88

岩岩好姐住左小編個大樣XD

岩岩好姐住左小編個大樣XD

Somersby Apple Cider我諗唔洗特別介紹,鯊魚眼淚酒特飲味道酸酸甜甜咁,同食烤雞都幾夾既,不過就好似藥水味,隻鯊魚幾得意,但味道就好一般,好睇唔好食!
說實話,反轉枝酒咪又係咁既味,但小編就好唔中意佢溝咁多冰!本身Apple Cider 酒味都唔濃,仲要溝咁多冰,就變左飲藥水咁。

總括泥講,成餐飯都係瘋狂「隊」雞~~仲要單手!
不溫馨提示:如果唔想排隊,最好6:30左右就去定;可訂座;蛋糕唔收切餅費;價錢不平民,最好叫埋一班朋友些牙。

P.S 叫左咁多樣野盛惠九百幾,小編同班6個朋友些牙都係二百蚊有找。